Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga

 

 



 

 


Virk_logo_f.jpg

 

 

asi-ung.jpg

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
atli hjá stettarfelag.is
 


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

Heimkaup oftast með lægsta verðið á matvöru

Bónus oftast með lægsta verðið á páskaeggjum

Í verðkönnun verðlagseftirlits ASÍ á matvöru og páskaeggjum sem gerð var 25. mars, kl. 11:00, var Heimkaup oftast með lægsta verðið á matvöru, í 37 tilvikum en Bónus næst oftast, í 32 tilvikum. Hagkaup var oftast með hæsta verðið, í 34 tilvikum en Iceland næst oftast, í 24 tilvikum. Mikill verðmunur var í öllum matvöruflokkum en í 37 tilvikum af 88 var yfir 40% munur á hæsta og lægsta verði á matvöru (dagvöru) í könnuninni en þar af var verðmunurinn yfir 60% í 23 tilvikum.

Bónus var oftast með lægsta verðið á páskaeggjum í könnuninni, í 17 tilvikum en Hagkaup oftast með hæsta verðið í 21 tilviki. Algengast var að munur á hæsta og lægsta verði á páskaeggjum væri 10-20%. Mestur munur á hæsta og lægsta verði var 37% munur á Góu hrauneggi nr. 4 en lægst var verðið í Bónus, 1.098 kr. en hæst í Hagkaup og Iceland, 1.499 kr. 

Allt að 37% verðmunur á páskaeggjum
Bónus var oftast með lægsta verðið á páskaeggjum, í 17 tilvikum af 23 en Hagkaup oftast með það hæsta, í 21 tilviki. Krónan var í mörgum tilfellum nálægt Bónus í verði og munaði oft einungis 1 kr. á verði þó dæmi væru um meiri verðmun á páskaeggjum milli verslananna. Algengast var að munur á hæsta og lægsta verði á páskaeggjum í könnunum væri 10-20% eða í 15 tilvikum af 23. Í 5 tilvikum var innan við 10% munur á hæsta og lægsta verði, í tveimur tilvikum var 20-30% munur.

Mesti munur á hæsta og lægsta verði af páskaeggjum var á Góu Páskaeggi nr. 4, 37%. Lægst var verðið í Bónus, 1.098 kr. en hæst í Iceland og Hagkaupum, 1.499 kr. Í krónum talið var mestur munur á Nóa Siríus konfekt páskaeggi, 581 kr. en lægsta verðið var í Heimkaup, 2.907 kr. og hæsta verðið í Fjarðarkaupum, 3.488 kr.

Sjá nánar í frétt á heimasíðu ASÍ

77% verðmunur á ýsuflökum
Heimkaup var oftast með lægsta verðið á matvöru og annarri heimilisvöru, í 37 tilvikum og Bónus næst oftast, í 33 tilvikum. Hagkaup var oftast með hæsta verðið í 34 tilvikum, Iceland næst oftast, í 24 tilvikum, Fjarðarkaup í 18 og Kjörbúðin í 18 tilvikum. Algengast var að munur á hæsta og lægsta verði á matvöru (dagvöru) væri undir 20% eða í 26 tilfellum af 89. Í 23 tilvikum var 20-40% munur á hæsta og lægsta verði, í 14 tilvikum 40-60% og í 23 tilvikum yfir 60% verðmunur.

Kjöt- og mjólkurvörur eru mikið keyptar auk þess að vera nokkuð dýrar vörur en í mörgum tilfellum var mikill munur á hæsta og lægsta kílóverði í þessum vöruflokkum. Þannig var 40% munur var á kílóverði af stóru stykki af góðosti, lægst var verðið í Nettó og Iceland, 1.399 kr. kg. en hæst í Fjarðarkaupum, 1.952 kr. Þá var 47% eða 604 kr. munur var á hæsta og lægsta kílóverði af ókrydduðu frosnu lambalæri. lægst var verðið í Bónus og Iceland, 1.298 kr. en hæst í Hagkaup, 1.899 kr. Einnig var mikill verðmunur á fiski en 77% munur var á hæsta og lægsta verði á frosnum, beinlausum ýsuflökum. Lægst var verðið í Bónus, 1.298 kr. en hæst í Fjarðarkaupum, 2.292 kr.

66% munur á hæsta og lægsta verði á hálfu samlokubrauði
Mikill verðmunur var í ýmsum öðrum vöruflokkum eins og brauðmeti, kexi og morgunkorni og hreinlætisvörum. Í flokki brauðmetis var yfirleitt yfir 40% munur á hæsta og lægsta verði. Sem dæmi má nefna 66% mun á hæsta og lægsta verði af hálfu samlokubrauði frá Myllunni. Lægst var verðið í Heimkaup, 265 kr. en hæst í Iceland, 439 kr. 70%. Þá var 69% munur á hæsta og lægsta verði af skúffukökumöffins frá Kexsmiðjunni, lægst var verðið í Fjarðarkaupum, 643 kr. en hæst var verðið í Iceland, 1.089 kr.

Dæmi um mikinn verðmun á hreinlætisvörum er 130% munur á hæsta og lægsta kílóverði af Ariel þvottadufti og 128% á stykkjaverði af Finish Powerball uppþvottatöflum. Einnig var mikill verðmunur á ýmissi þurrvöru og dósamat en 90% munur var á hæsta og lægsta verði af Dan sukker púðursykri. Lægst var verðið í Heimkaup, 147 kr. en hæst í Iceland, 279 kr.

Um könnunina
Í könnuninni var hilluverð á 112 vörum skráð niður en það er það verð sem neytandinn hefur upplýsingar um þegar hann ákveður hvort hann ætli að kaupa viðkomandi vöru. Ef afsláttur er tekinn fram á hillu er hann tekinn til greina. Könnunin var framkvæmd í eftirtöldum verslunum: Nettó Lágmúla, Bónus Flatahrauni, Krónunni Flatahrauni, Fjarðarkaupum, Iceland Engihjalla, Hagkaup Garðabæ, Kjörbúðinni Sandgerði og á Heimkaup.is. Hér er aðeins um beinan verðsamanburð að ræða, en ekki er lagt mat á gæði eða þjónustu söluaðila.

Óheimilt er að vitna í könnunina í auglýsingum og við sölu nema með heimild ASÍ.

Til baka

 
Tilkynningar til félagsmanna

28. janúar 2021
Við viljum hvetja félagsmenn Öldunnar til að kynna sér námskeið sem nú er boðið upp á en um er að ræða vefnámskeið sem eru að fullu greidd af starfsmenntasjóðum félagsins. » MEIRA
Fréttir frá feykir.is

>Rakel Hinriksdóttir hefur tekið við stjórninni á Taktíkinni, þátt N4 um íþróttir og lýðheilsu á lan…

Taktíkin, þáttur N4 um íþróttir og lýðheilsu á landsbyggðunum, hefur aftur göngu sína eftir stutt hlé. Skúli Geirdal hefur stýrt þáttunum frá upphafi og gerði 100 þætti frá árinu 2018. Nú tekur Rakel Hinriksdóttir við stjórninni og fyrsti þátturinn verður sýndur í kvöld, mánudaginn 19. apríl kl. 20.30. Rakel hefur verið dagskrárgerðarkona á N4 í tvö ár og er fyrrum knattspyrnukona. Núna nýverið stjórnaði hún þáttunum Íþróttabærinn Akureyri.

>Mynd: Hve.is

Sveitarstjórn Húnaþings vestra tók fyrir ásíðasta fundi sínum innlagnabann á sjúkrahúsinu á Hvammstanga og deildi áhyggjum sínum með öldungaráði Húnaþings vestra. Fram kemur að fulltrúar byggðarráðs hafi verið í samskiptum við fulltrúa Heilbrigðisstofnunar Vesturlands vegna málsins.

>

Nafn: Þóra Margrét Lúthersdóttir Aldur: 39 ára Heimili: Forsæludalur Fæðingarstaður: Reykjavík, 1sta febrúar 1982 Staða: Sauðfjár- og skógarbóndi Sæti á lista VG: 2-3 sæti

>Frá setningu Sæluviku 2018: Mynd: PF

Það er nú svo að þegar þessi þáttur kemur fyrir sjónir almennings er, þrátt fyrir hertar aðgerðir ríkisins í sóttvörnum, ekki búið að fresta Sæluviku líkt og gert var fyrir ári. Fyrst svo er freistumst við til að kasta fram fyrripörtum og gefum almenningi kost á að taka þátt í vísnakeppni Safnahúss Skagfirðinga.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is