Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 

 

 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

SGS fordæmir boðaðar hækkanir sveitarfélaga

Starfsgreinasamband Íslands mótmælir harðlega þeim hækkunum sem eru að koma fram víða hjá sveitarfélögunum um þessar mundir. Þar má nefna hækkanir á einstökum gjaldskrám á um annan tug prósenta, yfirgengilegar hækkanir á launum bæjarstjórnarmanna og verulegar hækkanir og breytingar á leigukjörum í félagslegu húsnæði. Fasteignagjöld hafa einnig hækkað mikið undanfarin ár og þó sum sveitarfélög hafi lækkað álagningarhlutfallið vegur það alls ekki upp á móti hækkun á fasteignamati.
 
Allar þessar hækkanir eru brot á yfirlýsingu sem Samband íslenskra sveitarfélaga gaf út í tengslum við lífskjarasamninganna í vor. Í henni segir m.a.;
 
,,Til að stuðla að verðstöðugleika mun Samband íslenskra sveitarfélaga mælast til þess við sveitarfélögin að þau hækki ekki gjaldskrár sínar á árinu 2019 umfram það sem þegar er komið til framkvæmdar.Einnig mun sambandið mælast til þess við sveitarfélögin að á árinu 2020 muni gjöld á þeirra vegum hækka um 2,5% að hámarki, en minna ef verðbólga er lægri.“
 
Eitt af meginmarkmiðum lífskjarasamningsins er að lækka húsnæðiskostnað hjá þeim tekjulægstu og óskiljanlegt hvernig hækkun húsaleigu félagslegs húsnæðis samræmist yfirlýsingum sveitarfélaganna. Það er algerlega óþolandiað sjá þær kjarabætur sem samið var um í vor teknar beint af launafólki með þessum hækkunum sveitarfélaganna. Og ekki þarf að hafa mörg orð um þá sveitarstjórn sem hækkar sín eigin laun um 18-30% meðan ekki hefur náðst samningur milli SGS og sveitarfélaganna.
 
Félagsmenn okkar munu ekki sitja hljóðir hjá ef þeir eiga einir að standa við gerða samninga. SGS skorar  á Samband íslenskra sveitarfélaga og einstök sveitarfélög að standa við fyrrnefnda og axla með því ábyrgð á að markmiðsamninganna frá því í vor náist.
 

Til baka

 
Tilkynningar til félagsmanna

27. febrúar 2020
verður haldinn kl 18:00 fimmtudaginn 5.mars á Mælifelli. » MEIRA
17. febrúar 2020
Umsóknarfrestur er til 11.mars. » MEIRA
03. janúar 2020
Endilega komið við og sækið ykkur eintak. » MEIRA
Fréttir frá feykir.is

Fyrri mynd: Mynd frá landsmótinu á Vindheimamelum 1974. Til vinstri er Núpur frá Kirkjubæ, sigurvega…

Í þessari grein langar mig til að taka smá sveig í umfjöllun minni um sögu og þróun hestamennsku og keppni á hestum hér á landi og víkja ögn að þróun reiðfatnaðar. Ekki ætla ég hér að fara djúpt í efnið eða að hverfa langt aftur í tímann en í hinni stórfróðlegu bók Þórðar Tómassonar í Skógum, Reiðtygi á Íslandi um aldaraðir, sem út kom hjá Máli og mynd árið 2002, er gamla tímanum gerð góð skil og mun ég síðar víkja að því og gera þessu efni frekari skil. Enda er það svo víðfeðmt að ekki verður afgreitt í einni stuttri grein. Núna langar mig hins vegar til að tæpa á fáeinum seinni tíma sögupunktum.

>

Í dag greindist fyrsta staðfesta tilfellið af COVID-19 kórónaveirunni á Íslandi og hefur hættustig almannavarna verið virkjað vegna þess. Greint hefur verið frá því að íslenskur karlmaður á fimmtugsaldri hafi verið færður í einangrun á Landspítala eftir að sýni úr honum reyndist jákvætt fyrir veirunni. Maðurinn er ekki alvarlega veikur en sýnir dæmigerð einkenni COVID-19 sjúkdóms sem eru hósti, hiti og beinverkir.

Diskótímabilið í uppáhaldi hjá Rúnu

Úrslitakvöld Söngvakeppninnar 2020 er næstkomandi laugardagskvöld og þar flytur m.a. stúlka að nafni Nína lagið ECHO. Nína á ættir að rekja norður í Miðfjörð en hún er dóttir söngkonunnar Rúnu Gerðar Stefánsdóttur og þótti Feyki alveg gráupplagt að forvitnast aðeins um Rúnu og var hún því að sjálfsögðu plötuð í að svara Tón-lystinni.

>

Samtök sveitarfélaga á Norðurlandi vestra, SSNV, stóðu fyrir vefráðstefnuninni Er vinnustaður bara hugarástand? í gær, fimmtudaginn 27. febrúar. Ráðstefnan var hluti af verkefninu Digi2Market sem styrkt er af Norðurslóðaáætlun og miðar að því að efla dreifðari byggðir með því að nýta stafrænar lausnir almennt.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is