Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

Orlofshúsið í Ölfusborgum

  

 


Aldan stéttarfélag á og rekur orlofshús í Ölfusborgum ásamt Stéttarfélaginu Samstöðu á Blönduósi.

Ölfusborgir eru í nágrenni Hveragerðis og þaðan er einnig stutt í marga helstu ferðamannastaði og náttúruperlur á Suðurlandi,  má þar nefna Gullfoss, Geysi, Skálholt og Þingvelli. Einnig er stutt á Selfoss og ýmislegt að sjá í sveitunum í kring,   t.d. sjávarþorpin  Þorlákshöfn, Eyrarbakka og Stokkseyri og marga sögufræga staði í Árnessýslu.

Húsið er 58 fm að stærð og skiptist í stofu með eldhúskrók, baðherbergi og þrjú svefnherbergi. Svefnaðstaða er fyrir 6 - 7 manns og borðbúnaður fyrir 8. Sjónvarp, uppþvottavél og örbylgjuofn eru til staðar. Sólpallur og sólstofa eru við húsið, sem og heitur pottur og gasgrill. Afruglari frá 365-miðlum er í húsinu en leigutakar borga sjálfir fyrir notkun á þeirra efni. Kynnið ykkur áskriftarmöguleika hjá 365-miðlum sem m.a. bjóða upp á 3-daga áskrift.



Hægt er að leigja lín og handklæði í þjónustumiðstöð svæðisins en þar er einnig hægt að fá lánað barnarúm ef pantað er fyrirfram.

Við Ölfusborgir eru rólur, rennibrautir, trampolín og sparkvöllur fyrir börnin og umhverfið allt kjörið til útivistar. Ýmislegt er í boði fyrir ferðamenn, í Hveragerði er t.d. sundlaug með vatnsrennibraut, blómaverslanir, gróðurhús og margt fleira. Stutt er í hestaleigu og veiði.

  

Um Ölfusborgir

Orlofsbyggðin að Ölfusborgum er einn margra sigra verkalýðsbaráttunnar en á fjárlögum 1957 fékkst ein milljón króna til byggingar orlofsheimilis verkalýðsfélaga. Árið eftir lét ríkisstjórnin hreyfingunni í té land undir heimilin og árið 1962 var loks undirritaður samningur milli ríkisins og ASÍ um leigu á 12 hektara spildu úr landi Reykjatorfu í Ölfushreppi. Í fyrsta áfanga voru byggð 22 hús og árið 1965 voru þau leigð til fyrstu félagsmannanna. Seinna voru byggð 16 hús til viðbótar svo nú eru húsin alls 37, þar af er eitt hús með góðu aðgengi fyrir hjólastóla. 
Það hús er í eigu Sameignarfélagsins og er leigt út af starfsmönnum. Upplýsingar í síma 483-4260 milli 12:00-16.00 virka daga. Húsið er mjög rúmgott, stofa og eldhús eru í einu rými, tvö svefnherbergi eru í húsinu og baðherbergi með sturtu. Húsið er leigt allt árið um kring með helgarleigum á veturnar  og vikuleigum á sumrin. Eingöngu er leigt til félagsmanna stéttarfélaga sem eiga hús á orlofssvæðinu.

Athugið! Allt dýrahald er stranglega bannað á staðnum. Umsjónarmanni er heimilt að vísa fólki með dýr í burtu.

Leigutakar eru beðnir að kynna sér reglur orlofsbyggðarinnar en þær má lesa hér.



 

Nokkrar vegalengdir frá Ölfusborgum

Selfoss       12 km
Geysir        74 km
Gullfoss      84 km
Laugarvatn   52 km
Stokkseyri   26 km
Skálholt      51 km
Þingvellir     58 km
Þorlákshöfn 24 km
Reykjavík    47 km
Selvogur     30 km  

 

 

Til baka

 
Tilkynningar til félagsmanna

Engar tilkynningar
Fréttir frá feykir.is

>

Landsfundur Vinstri grænna er um næstu helgi. Það verður gott að hitta félaga og ræða hvað hefur áunnist í stjórnarsamstarfinu og hvaða áherslumál við eigum að setja á oddinn næstu tvö árin. Þessi vettvangur hreinskilinna skoðanaskipta er okkur þingmönnum ákaflega mikilvægt veganesti inn í þinghaldið og stjórnarsamstarfið fram undan. Hvað hefur tekist vel og hvað má gera betur. Síðast hittumst við haustið 2017, þá var stutt í kosningar og í kjölfarið tóku VG sæti í ríkisstjórn og axlaði ábyrgð í óhefðbundnu stjórnarsamstarfi sem forsætisráðherra okkar leiðir af mikilli röggsemi. Heilbrigðis- og umhverfisráðherra okkar hafi einnig staðið sig með miklum sóma.

>Frá framkvæmdum við Sauðárkrókslínu 2. Mynd: FB-síða Landsnets.

Steypustöð Skagafjarðar Ehf. er komin af stað við lagningu Sauðárkrókslínu 2 en vegna áforma um aukna orkunotkun á Sauðárkróki á að styrkja tengingu svæðisins við flutningskerfið. Við það eykst orkuafhending og afhendingaröryggi með því að leggja 66 kV jarðstreng, Sauðárkrókslínu 2, frá Varmahlíð að nýju tengivirki á Sauðárkróki.

>Byggðasafn Skagfirðinga er meðal þeirra sem býður upp á afþreyingu fyrir fjölskylduna í vetrarfríin…

Vetrarfrí verður í grunnskólunum í Skagafirði næstkomandi fimmtudag og föstudag. Til að hafa ofan af fyrir þeim sem vita ekki hvað þeir eiga að hafa fyrir stafni þessa daga bjóða nokkrir aðilar í firðinum upp á skemmtilega og fræðandi afþreyingu fyrir börn og fullorðna.

Lína Langsokkur skottast um í Bifröst

Leikfélag Sauðárkróks frumsýnir leikritið um hina sterku og snjöllu Línu Langsokk, sem allir ættu að kannast við, föstudaginn 18. október í Bifröst á Sauðárkróki. Ekki þarf að fjölyrða um uppátæki Línu, sem öll eru stórkostleg og enginn ætti að leika eftir, enda erfitt þegar um sterkustu manneskju í heimi er um að ræða. Með hlutverk Línu fer Emelíana Lillý Guðbrandsdóttir en vini hennar, Önnu og Tomma, leika þau Kristín Björg Emanúelsdóttir og Ásbjörn Wage. Langsokk sjálfan, sjóræningjann í Suðurhöfum og pabba Línu, leikur Guðbrandur J. Guðbrandsson. Leikstjóri er Pétur Guðjónsson.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is