Gagnlegar upplýsingar fyrir atvinnurekendur

Kennitala Öldunnar stéttarfélags er
560169 - 1169

Stéttarfélagsnúmer er 126

Iðgjöld skal greiða inn á reikning
0161 - 26 - 5600

Skilagreinar má senda á netfangið arna@stettarfelag.is eða á skrifstofu félagsins í Borgarmýri 1, 550 Sauðárkróki.

Félagsgjald er 1%
Sjúkrasjóðsgjald er 1%
Orlofssjóðsgjald er 0,25%
Fræðslusjóðsgjald er 0,30%

Í 1. grein laga um starfskjör launafólks og skyldutryggingu lífeyrisréttinda, segir:
1. gr. [Laun og önnur starfskjör, sem aðildarsamtök vinnumarkaðarins semja um, skulu vera lágmarkskjör, óháð kyni, þjóðerni eða ráðningartíma fyrir alla launamenn í viðkomandi starfsgrein á svæði því er samningurinn tekur til. Samningar einstakra launamanna og atvinnurekenda um lakari kjör en hinir almennu kjarasamningar ákveða skulu ógildir.]¹⁾

Í sjöttu og sjöundu grein sömu laga segir:
6. gr. Öllum atvinnurekendum er skylt að greiða í sjúkrasjóði og orlofssjóði viðkomandi stéttarfélaga iðgjöld þau, sem aðildarsamtök vinnumarkaðarins semja um hverju sinni, og samkvæmt þeim reglum, sem kjarasamningar greina.
Atvinnurekanda er skylt að halda eftir af launum starfsmanns iðgjaldi hans til viðkomandi stéttarfélags samkvæmt þeim reglum, sem kjarasamningar greina.
7. gr. [Verði dráttur á greiðslu iðgjalda samkvæmt lögum þessum skal skuldari greiða dráttarvexti af skuldinni frá gjalddaga samkvæmt lögum um vexti.]¹⁾

Í tenglunum til vinstri er að finna ýmsar gagnlegar upplýsingar og eyðublöð fyrir atvinnurekendur.

Tilkynningar til félagsmanna

Engar tilkynningar

Fréttir frá feykir.is

Miðvikudagurinn 24. apríl 2019 - kl. 15:13

Afrískur dans á Barnamenningardögum

> Sandra Sano Erlingsdóttir og Mamady Sano. Mynd af Facebooksíðu Dans Afríka Iceland.

Eins og undanfarin ár stendur Tónadans fyrir Barnamenningardögum í Skagafirði og verður margt á dagskránni hjá þeim. Meðal annars koma hingað danskennarar frá Dans Afrika Iceland dagana 26. og 27. apríl og halda námskeið í afrískum dönsum í sal FNV. Frítt er á námskeiðin svo það er um að gera að fjölmenna.

Miðvikudagurinn 24. apríl 2019 - kl. 14:23

Vel heppnað skíðagöngumót í Fljótum

160 manns tóku þátt í mótinu. Myndir: Hermann Hermannsson.

Ferðafélag Fljóta stóð að vanda fyrir árlegu skíðagöngumóti í Fljótum á föstudaginn langa. Þar sem snjóa hafði tekið upp í rásmarkinu var tekin ákvörðun um að færa markið upp á Holtsdal og voru keppendur fluttir þangað í rútu ef þeir óskuðu þess en aðrir hituðu upp fyrir keppnina og gengu þangað, um eins kílómeters vegalengd.

Miðvikudagurinn 24. apríl 2019 - kl. 13:45

Vetur konungur afhendir Sumardísinni völdin á Hvammstanga á morgun

Frá skemmtun í Félagsheimilinu á Hvammstanga. Mynd: hunathing.is.

Á morgun, sumardaginn fyrsta, er boðað til hátíðahalda á Hvammstanga svo sem venjan er á þessum degi. Hefjast þau með skrúðgöngu sem leggur af stað frá Félagsheimilinu á Hvammstanga kl. 14:00 með viðkomu við sjúkrahúsið en að henni lokinni hefst hefðbundin dagskrá í Félagsheimilinu. Þar mun Vetur konungur afhenda Sumardísinni völdin og þá hefur sumarið innreið sína inn í hjörtun með söng og gleði. Að því loknu verða spilaðar nokkrar umferðir í bingó í boði fyrirtækja í Húnaþingi vestra.

Miðvikudagurinn 24. apríl 2019 - kl. 12:00

Hjálmar í Hólkoti 100 ára

>Hjálmar í Hólkoti á 100 afmælisdegi sínum. Mynd: PF.

Í dag fagnar Hjálmar Sigmarsson, fv. bóndi í Hólkoti í Unadal aldarafmæli sínu en hann fæddist þennan dag árið 1919. Hjálmar dvelst nú á hjúkrunardeild HSN á Sauðarkróki við ágæta heilsu.