Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga

 

 



 

 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
 


 

Opnunartími skrifstofu er alla virka daga frá kl. 8:00 -16:00
Opið í hádeginu.

 


 

Krambúðin oftast með hæsta verðið

Í nýrri verðkönnun verðlagseftirlits ASÍ á matvöru var Krambúðin oftast með hæsta verðið, í 51 tilviki af 121 en Bónus oftast með það lægsta, í 81 tilviki. Mikill verðmunur er milli verslana og í 35 tilvikum af 121 mátti finna 60% mun á hæsta og lægsta verði á ýmsum algengum vörum. Sem dæmi var 237% munur á hæsta og lægsta kílóverði á frosnum jarðaberjum, 100% verðmunur á Whole Earth hnetusmjöri, 78% verðmunur á Tilda Basmati hrísgrjónum og 100% verðmunur á Minute Maid safa. Þá var 152% munur á hæsta og lægsta verði á O.B. tíðartöppum og um og yfir 100% munur á ýmsum dýramat og barnamat.

Fjarðarkaup næst oftast með lægsta verðið
Krambúðin var oftast með hæsta verðið í könnuninni eða í 51 tilviki af 121. Krambúðirnar eru 21 talsins og eru 9 þeirra staðsettar á höfuðborgarsvæðinu en aðrar verslanir eru dreifðar um landið. Næst oftast mátti finna hæsta verðið í Hagkaup og Heimkaup en hvor verslun fyrir sig var með hæsta verðið í 23 tilvikum. Bónus var oftast með lægsta verðið eins og fyrr segir, í 51 tilviki af 121 en Fjarðarkaup var næst oftast með lægsta verðið eða í 14 tilvikum en Krónan hefur lengi verið næst á eftir Bónus með lægstu verðin. Krónan var með lægsta verðið í 9 tilvikum og Nettó 7 tilvikum. 

Í verðtöflunni á heimasíðu ASÍ  má sjá verð á öllum vörum í könnuninni. Ef ýtt er á nafnið á vöruflokknum kemur fellilisti þar sem skipta má um vöruflokk.

Hæsta og lægsta verð gefur ágæta mynd af verðlagi í verslunum en segir þó ekki alla söguna. Með því að litakóða töfluna með verðsamanburðinum er auðveldara að staðsetja verslanir í verði en hér má sjá verðtöfluna í heild sinni litakóðaða. 

237% munur á hæsta og lægsta kílóverði af frosnum jarðaberjum
Í mörgum tilfellum var mjög mikill munur á hæsta og lægsta verði í könnuninni og mátti finna slík dæmi í flestum vöruflokkum. Þannig var yfir 60% munur á hæsta og lægsta verði í 35 tilvikum af 121 en þar af var hann í 19 tilvikum yfir 80%. Sem dæmi var 273% eða 1.159 kr. munur á kílóverði af frosnum jarðaberjum. Lægst var verðið í Bónus, 489 kr. en hæst í Heimkaup, 1.648 kr. Munur á hæsta og lægsta verði af Whole Earth hnetusmjöri var 100%. Lægst var verðið í Krónunni, 399 kr. en hæst í Hagkaupum, 799 kr. Svipaða sögu var að segja um verð á Minute Maid tropical safa fernum (4*200 ml) sem kostuðu minnst í Bónus, 198 kr. en mest í Krambúðinni, 399 kr. sem gerir um 100% verðmun. Þá var 153% munur á hæsta og lægsta verði á O.B. Original tíðatöppum sem kostuðu minnst, 257 kr. í Bónus en mest í Heimkaupum, 650 kr. 

98% munur var á hæsta og lægsta verði af Hopp Organic barnamat í krukku. Lægst var verðið í Bónus, 169 kr. en hæst í Heimkaup, 336 kr. Þá var um 30% eða 531 kr. munur á hæsta og lægsta verði af 800 gr. dunk af Nan Pro þurrmjólk. Lægsta verðið var í Bónus og í Fjarðarkaupum, 1.798 kr. en hæst var það í Iceland, 2.319 kr. Að lokum má nefna að 130% munur var á kílóverði af Pedigree hundamat en lægst var það í Bónus, 399 kr. en hæst í Krambúðinni, 920 kr. 

Sendingargjald bætist við pantanir hjá netverslunum og hækkar verð
Netverslanir með mat njóta sívaxandi vinsælda og nær könnunin einnig til þriggja slíkra verslana. Aukinn kostnaður getur fylgt því að kaupa mat hjá netverslunum þegar innkaupin eru undir ákveðinni lágmarksupphæð. Í töflunni hér að neðan má sjá hvernig heimsendingarkostnaður leggst á pantanir frá netverslununum.

                                        Sendingarkostnaður ef upphæð heimsendingar er:
                                           1 -9.899 kr.       9.900-14.599 kr.      14.900-14.999 kr.      15.000 kr. +
Heimkaup.is                          1.490 kr.               490 kr.                        0  kr.                     0 kr.
Netto.is                                  1.490 kr.            1.490 kr.                  1.490 kr.                     0 kr. 
Krónan app                           1.490 kr.            1.490 kr.                  1.490 kr.                     0 kr.

Um könnunina 
Í könnuninni var hilluverð á 121 vöru skráð niður en það er það verð sem neytandinn hefur upplýsingar um þegar hann ákveður hvort hann ætli að kaupa viðkomandi vöru. Ef afsláttur er tekinn fram á hillu er hann tekinn til greina.
Til að fá fram röðunina á verslununum eru frávik frá lægsta verði reiknuð og raðast verslanirnar því eftir því hversu langt þær eru frá þeirri verslun sem er með lægstu verðin. Þar sem verð vantar eru meðalverð notuð.
Könnunin var framkvæmd í eftirtöldum verslunum: Nettó Mjódd, Bónus Ögurhvarfi, Krónunni Akrabraut, Fjarðarkaupum, Iceland Engihjalla, Hagkaup Spöng, Kjörbúðinni Garði, Krambúðinni Laugardal, Heimkaup.is, Netto.is og Krónu appinu. Hér er aðeins um beinan verðsamanburð að ræða, en ekki er lagt mat á gæði eða þjónustu söluaðila.

Óheimilt er að vitna í könnunina í auglýsingum og við sölu nema með heimild ASÍ.

ASÍ-UNG þing í september

Þing ASÍ-UNG verður haldið föstudaginn 11. september nk. á Icelandair Hotel Reykjavik Natura. Þingið hefst klukkan 10 og gert ráð fyrir því að þingslit verði klukkan 16 og við taki óformleg dagskrá sem ljúki með kvöldverði.
:: meira

Erlent verkafólk í óboðlegu íbúðarhúsnæði

Föstudagspistill forseta ASÍ

Það er endalaus barátta að bæta hag vinnandi fólks og stundum að koma í veg fyrir lífshættulegar aðstæður. Það er algert lágmark að atvinnurekendur séu gerðir ábyrgir fyrir að stofna ekki lífi og heilsu fólks í hættu, að allt fólk sem starfar á íslenskum vinnumarkaði njóti virðingar og viðunandi aðbúnaðar og að glæpamenn í atvinnulífinu fái aldrei frið til að misnota fólk.
:: meira

Yfirlýsing ASÍ

Vegna brunans á Bræðraborgarstíg

Staðfest hefur verið að þrír einstaklingar létu lífið í brunanum á Bræðraborgarstíg 1 og tveir eru nú á gjörgæsludeild Landspítalans. Aðstandendum látinna eru vottaðar djúpar samúðarkveðjur.
:: meira

Krambúðin oftast með hæsta verðið

Í nýrri verðkönnun verðlagseftirlits ASÍ á matvöru var Krambúðin oftast með hæsta verðið, í 51 tilviki af 121 en Bónus oftast með það lægsta, í 81 tilviki. Mikill verðmunur er milli verslana og í 35 tilvikum af 121 mátti finna 60% mun á hæsta og lægsta verði á ýmsum algengum vörum.
:: meira
 
Tilkynningar til félagsmanna

Engar tilkynningar
Fréttir frá feykir.is

Kirkjuhvammur á Hvammstanga. Mynd: wikiloc.com

Hnitsetning gönguleiða var meðal átaksverkefna Samtaka sveitarfélaga á Norðurlandi vestra, SSNV, vegna áhrifa Covid-19. Ráðnir voru tveir starfsnemar til verksins með stuðningi frá Vinnumálastofnun, annar með ráðningarsamband við Akrahrepp og hinn við SSNV.

>

Næstkomandi laugardag, þann 11. júlí, verður opnuð sýningin Stúlkan og hrafninn í vinnustofunni í Vatnsdalshólum. Sýningin er byggð á þjóðsögunni sem varð til þegar Skíðastaðaskriða féll árið 1545.

>

Eig?end?ur Kjarna?fæðis og Norðlenska hafa kom?ist að sam?komu?lagi um helstu skil?mála varðandi samruna fé?lag?anna. Starfsemi Kjarnafæðis fer að mestu fram á Svalbarðseyri auk þess sem félagið á SAH-Afurðir á Blönduósi, sláturhús og kjötvinnslu, og um þriðjungshlut í Sláturfélagi Vopnfirðinga. Norðlenska rekur stórgripasláturhús og kjötvinnslu á Akureyri, en slátrun og afurðavinnsla sauðfjár er á Húsavík. Einnig rekur Norðlenska sláturhús á Höfn í Hornafirði og söluskrifstofu í Reykjavík.

> Blanda. Mynd: FE

Í síðustu viku var útlit fyrir að laxveiðin í Blöndu væri í hættu þar sem Blöndulón var óðum að fyllast vegna mikilla hlýinda í veðri síðustu daga á Norðurlandi. Veðurguðirnir sáu hins vegar að sér og kólnað hefur í veðri og vatnsborðið því lækkað um 6 sentimetra. Því mun yfirfallið verða seinna en virtist vera fyrir helgi. Vonast er nú til að júlímánuður sleppi en um leið og lónið fer í yfirfall verður áin óveiðanleg.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is