Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga

 

 



 

 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
 


 

Opnunartími skrifstofu er alla virka daga frá kl. 8:00 -16:00
Opið í hádeginu.

 


 

2,6% verðbólga í maí

Innfluttar vörur og matvara hækka í verði


Vísitala neysluverðs mældist 480,1 stig í maí mánuði samkvæmt nýjustu mælingu Hagstofunnar sem birt var í morgun. Verðlag hækkaði um 0,54% milli mánaða og mælist verðbólga nú 2,6% á ársgrundvelli.
Meiri hækkun mældist ef horft er fram hjá áhrifum húsnæðiskostnaðar, eða 0,88% milli mánaða og mælist verðbólga án húsnæðis nú einnig 2,6%.


Verð á mat- og drykkjarvörum hafði mest áhrif til hækkunar á vísitölunni í maí en alls hækkaði sá liður um 1,6% (0,24% vísitöluáhrif). Innfluttar vörur hækkuðu þó einnig skarpt, t.d. verð á nýjum bílum um 3,7% (0,2%) og verð á húsgögnum og heimilisbúnaði um 2,9% (0,16%). Á móti lækkaði húsnæðiskostnaður, þ.e. reiknuð húsaleiga um 0,6% (-0,11%).

Sjá skýringarmyndir á heimasíðu ASÍ 


Sé rýnt betur í mælingu mánaðarins má sjá hvernig gengisveiking síðustu mánaða kemur fram í hækkunum á innfluttu verðlagi milli mánaða. Nýir bílar hækka eins og fyrr segir um 3,7% (3,2% hækkun á nýjum bílum og varahlutum), en einnig innflutt mat- og drykkjarvara um 2,6%. Alls hækkuðu innfluttar vörur um 1,4% en töluverð hækkun mælist þó einnig í annarri innlendri mat- og drykkjarvöru eða 1,9%.

Verð á þjónustu stendur nær í stað milli mánaða en opinber þjónusta hækkar um 0,1% milli mánaða og önnur þjónusta lækkar um 0,1% milli mánaða. Verð á eldsneyti hélt einnig áfram að lækka milli mánaða, 3,4%, og hefur bensínverð nú lækkað um 14,1% milli ára.

Verðbólga mælist nú lítillega yfir markmiði Seðlabankans en hún var síðast yfir markmiði í nóvember á síðasta ári. Núverandi verðlagsþróun er ekki óvænt en um þessar mundir koma fram hækkanir sem skýrast af veikingu krónunnar síðustu misseri og svo lækkanir sem skýrast af kólnun í hagkerfinu og lægra hrávöruverði. Við síðustu vaxtaákvörðun var sú þróun til umræðu en í yfirlýsingu Peningastefnunefndar sagði:

„Gengi krónunnar hefur lækkað frá því að farsóttin barst til landsins en á móti vega mikil lækkun olíuverðs og lækkun matvæla- og hrávöruverðs. Þá hafa verðbólguvæntingar lítið breyst og kjölfesta þeirra í verðbólgumarkmiði bankans virðist traust. Samkvæmt spá Seðlabankans eykst verðbólga lítillega á næstu mánuðum vegna áhrifa gengislækkunar krónunnar. Aukinn slaki í þjóðarbúinu mun hins vegar vega þyngra þegar líða tekur á þetta ár og horfur eru á að verðbólga verði undir 2% á seinni hluta spátímans.“

Samkvæmt nýjustu spá Seðlabankans er búist við að verðbólga verði 2,3% að jafnaði á þessu ári. Sú spá kann að vera heldur bjartsýn en ekki er ólíklegt að verðbólga verði lítillega yfir en þó í nálægð við verðbólgumarkmið á næstu misserum.

ASÍ-UNG þing í september

Þing ASÍ-UNG verður haldið föstudaginn 11. september nk. á Icelandair Hotel Reykjavik Natura. Þingið hefst klukkan 10 og gert ráð fyrir því að þingslit verði klukkan 16 og við taki óformleg dagskrá sem ljúki með kvöldverði.
:: meira

Erlent verkafólk í óboðlegu íbúðarhúsnæði

Föstudagspistill forseta ASÍ

Það er endalaus barátta að bæta hag vinnandi fólks og stundum að koma í veg fyrir lífshættulegar aðstæður. Það er algert lágmark að atvinnurekendur séu gerðir ábyrgir fyrir að stofna ekki lífi og heilsu fólks í hættu, að allt fólk sem starfar á íslenskum vinnumarkaði njóti virðingar og viðunandi aðbúnaðar og að glæpamenn í atvinnulífinu fái aldrei frið til að misnota fólk.
:: meira

Yfirlýsing ASÍ

Vegna brunans á Bræðraborgarstíg

Staðfest hefur verið að þrír einstaklingar létu lífið í brunanum á Bræðraborgarstíg 1 og tveir eru nú á gjörgæsludeild Landspítalans. Aðstandendum látinna eru vottaðar djúpar samúðarkveðjur.
:: meira

Krambúðin oftast með hæsta verðið

Í nýrri verðkönnun verðlagseftirlits ASÍ á matvöru var Krambúðin oftast með hæsta verðið, í 51 tilviki af 121 en Bónus oftast með það lægsta, í 81 tilviki. Mikill verðmunur er milli verslana og í 35 tilvikum af 121 mátti finna 60% mun á hæsta og lægsta verði á ýmsum algengum vörum.
:: meira
 
Tilkynningar til félagsmanna

Engar tilkynningar
Fréttir frá feykir.is

Kirkjuhvammur á Hvammstanga. Mynd: wikiloc.com

Hnitsetning gönguleiða var meðal átaksverkefna Samtaka sveitarfélaga á Norðurlandi vestra, SSNV, vegna áhrifa Covid-19. Ráðnir voru tveir starfsnemar til verksins með stuðningi frá Vinnumálastofnun, annar með ráðningarsamband við Akrahrepp og hinn við SSNV.

>

Næstkomandi laugardag, þann 11. júlí, verður opnuð sýningin Stúlkan og hrafninn í vinnustofunni í Vatnsdalshólum. Sýningin er byggð á þjóðsögunni sem varð til þegar Skíðastaðaskriða féll árið 1545.

>

Eig?end?ur Kjarna?fæðis og Norðlenska hafa kom?ist að sam?komu?lagi um helstu skil?mála varðandi samruna fé?lag?anna. Starfsemi Kjarnafæðis fer að mestu fram á Svalbarðseyri auk þess sem félagið á SAH-Afurðir á Blönduósi, sláturhús og kjötvinnslu, og um þriðjungshlut í Sláturfélagi Vopnfirðinga. Norðlenska rekur stórgripasláturhús og kjötvinnslu á Akureyri, en slátrun og afurðavinnsla sauðfjár er á Húsavík. Einnig rekur Norðlenska sláturhús á Höfn í Hornafirði og söluskrifstofu í Reykjavík.

> Blanda. Mynd: FE

Í síðustu viku var útlit fyrir að laxveiðin í Blöndu væri í hættu þar sem Blöndulón var óðum að fyllast vegna mikilla hlýinda í veðri síðustu daga á Norðurlandi. Veðurguðirnir sáu hins vegar að sér og kólnað hefur í veðri og vatnsborðið því lækkað um 6 sentimetra. Því mun yfirfallið verða seinna en virtist vera fyrir helgi. Vonast er nú til að júlímánuður sleppi en um leið og lónið fer í yfirfall verður áin óveiðanleg.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is