Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

Selfoss, Malmö og Akureyri

Pistillinn að þessu sinni er ritaður frá Akureyri þar sem rokkhátíð samtalsins er að hefjast á Lýsu. Verkalýðshreyfingin gerir sig gildandi þar eins og undanfarin ár og það er einlæg ósk mín að þessi hátíð nái að vaxa og dafna næstu árin sem vettvangur fyrir skoðanaskipti stjórnmálanna, verkalýðshreyfingarinnar, frjálsra félagasamtaka og allra sem hafa áhuga á samfélagsmálum. Í dag mun ég ræða stöðu öryrkja í sófaspjalli með ÖBÍ, launaþjófnað á Íslandi á málþingi ASÍ og jafnréttismál og kynbundið ofbeldi með Aflinu á Akureyri. Deginum verður svo lokað með barsvari, grilli og verkalýðssöngvum. Milli dagskrárliða rýnum við í nýbirt fjárlagafrumvarp en umræður um það þurfa meira en einn föstudagspistil.
Ég naut þess að spjalla við félagsmenn í Bárunni á Selfossi í byrjun vikunnar og það er ljóst að starfsfólk hjá ríki og sveitafélögum er orðið langþreytt á samningsleysi enda runnu samningarnir þeirra út í vor. Viðræðurnar hafa reynst lengri og erfiðari en áætlað var og undiraldan hjá starfsmönnum hins opinbera verður sífellt þyngri. Ef viðsemjendur fara ekki að spýta í lófana og ná samningum við þau félög sem nú sitja við borðið er hætt við að það sé átakavetur sé framundan.
En það eru stórar áskoranir á fleiri sviðum og í vikunni var haldið þing Norrænu verkalýðshreyfingarinnar í Malmö í Svíþjóð. Norðurlöndin hafa náð bestum árangri í heiminum á sviði velferðar og kjaramála og undirstaðan í því er sterk verkalýðshreyfing þar sem stjórnvöld fara ekki með vald yfir kjaramálum frá degi til dags. Það er í höndum hreyfingarinnar að semja um vinnutíma, kaup og kjör með þeim samtakamætti sem við höfum byggt upp. Í Evrópulöndum sem njóta ekki jafn sterkrar hreyfingar er ósk um að Evrópusambandið hlutist til um lágmarkslaun og önnur starfskjör. Það hugnast ekki Norrænu hreyfingunni að framselja valdið yfir kaupum og kjörum sinna félagsmanna til Brussel, enda er hætt við að lægsti samnefnari verði viðmiðið.
Loftslagsmál voru auðvitað rædd mjög mikið enda þarf verkalýðshreyfingin að taka frumkvæði í að bjarga því sem bjargað verður í umhverfismálum án þess að það þýði skert réttindi eða kjör vinnandi fólks. Tækniframfarir og sú framleiðniaukning sem þær skila þurfa að þýða betra vinnuumhverfi, auknir menntunarmöguleikar og styttri vinnutími fyrir almenning. Í heimi aukinnar misskiptingar verða öfl sem eru andstæð lýðræði sífellt sterkari og ljóst að Norræna hreyfingin hefur hlutverki að gegna að verja lýðræði og mannréttindi og auka jöfnuð.
Góða helgi,
Drífa
 

Til baka

 
Tilkynningar til félagsmanna

Engar tilkynningar
Fréttir frá feykir.is

>Einar E. Gíslason, Þorgeir Jónsson í Gufunesi, Haraldur Þórarinsson á Laugalandi og Þorkell Bjarnas…

Nú hefur riðið Gjallarbrú eftirminnilegur garpur sem er Einar Eylert Gíslason á Syðra-Skörðugili, fyrrum bóndi þar og ráðunautur. Einar fæddist á Akranesi 5. apríl 1933, hann lauk búfræðiprófi á Hvanneyri 1951 og stundaði verklegt búfræðinám og vinnu á búgörðum í Danmörku og Svíþjóð árin 1951 til ?53 og lauk búfræðikandídatsprófi frá Hvanneyri 1955. Ekki verður ævi- né starfsferli Einars gerð tæmandi skil hér en á árunum 1960 til 1974 var Einar ráðsmaður á Hesti, í því fólst bústjórn og dagleg yfirstjórn þeirra viðamikilu tilrauna sem þar fóru fram í sauðfjárrækt.

>Sigrún Eva Helgadóttir og Júlíus Helgi Bjarnason.

Nú er farið að líða á sumarið og sumarfríin hægt og rólega að klárast hjá fólki. Lífið fer að komast í fastar skorður aftur eftir leikskólafrí og betri helmingurinn mættur til vinnu aftur. En það var nú nóg um að vera á meðan fríinu stóð. Það ber fyrst að nefna óteljandi sundferðir í Varmahlíð, sem er í sérstöku uppáhaldi hjá börnunum. Útilegur og sumarbústaðaferðir komu þar á eftir, margir sunnudagsbíltúrar og svo bara endalaust brall heima við.

Að sjálfsögðu var stillt upp í liðsmynd að leik loknum. MYND: ÓAB

Stærsti leikurinn í sögu fótboltans á Króknum fór fram í kvöld en þá spiluðu Stólastúlkur síðasta leik sumarsins í Inkasso-deildinni og voru enn í möguleika með að komast upp í efstu deild. Þrátt fyrir dramatískan sigur á liði ÍA komst liðið þó ekki upp í deild hinna bestu því FH vann nauman 1-0 sigur á liði Aftureldingar og tryggðu sér því annað sætið í Inkasso. Lokatölurnar á Króknum voru hins vegar 4-1 og Murielle Tiernan tryggði sér markakóngstitilinn með því að skora tvö markanna.

>Þessar kindur tengjast fréttinni ekki beint.

Garnaveiki hefur verið staðfest á bænum Brúnastöðum í Fljótum en garnaveiki hefur ekki greinst í Tröllaskagahólfi frá árinu 2008. Garnaveiki er ólæknandi smitsjúkdómur í jórturdýrum, en með bólusetningu er hægt að verja sauðfé fyrir sjúkdómnum og halda smitálagi í lágmarki. Á bæjum sem garnaveiki greinist á gilda ýmsar takmarkanir sem lúta að því að hindra smitdreifingu.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is