Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

A4 oftast með lægstu verðin á skiptibókamarkaði

A4 er oftast með lægstu verðin á notuðum námsbókum fyrir framhaldsskólanema samkvæmt nýrri
könnun verðlagseftirlits ASÍ sem framkvæmd var 15. ágúst. A4 var með lægstu verðin í 23 tilfellum af 42, Penninn Eymundsson í 12 tilvikum og Heimkaup.is í 6 tilvikum.

Mikill verðmunur er á nýjum og notuðum bókum og geta framhaldsskólanemendur sparað sér skildinginn með því að taka notað fram yfir nýtt. Verðlagseftirlitið getur ekki birt innkaupsverð skiptibókamarkaðanna á notuðum bókum eins og það hefur gert undanfarin ár og skoðað mun á innkaupsverði og útsöluverði þar sem þau eru ekki lengur aðgengileg almenningi.

A4 eru oftast með lægstu verðin á skiptibókamarkaði, í 23 tilfellum af 42. Verðin voru í raun enn lægri daginn sem könnunin var framkvæmd en 25% afsláttur var af öllum vörum þann dag, þ.a.m. bókum. Penninn Eymundsson eru næst oftast með lægstu verðin eða í 12 tilvikum og Heimkaup.is sjaldnast eða í 6 tilvikum. Í mörgum tilfellum er mikill verðmunur á skiptibókamörkuðunum og er algengt að verðmunur sé á bilinu 20-50% eða í kringum 1.000 kr. Mestur var verðmunurinn á bókinni Þjálfun, heilsa og vellíðan, eða 190% eða 2.950 kr. Lægsta verðið mátti finna í A4, 1.549 kr. en það
hæsta í Pennanum Eymundsson 4.499 kr. Mesta úrvalið af notuðum námsbókum var í A4 en þar mátti finna alla þá titla sem til skoðunar voru eða 41. Í Pennanum mátti finna 37 titla af 41 en einungis 11 á Heimkaup.is.
 
Mikill verðmunur á nýjum og notuðum bókum
Það borgar sig fyrir framhaldsskólanemendur að kaupa notaðar námsbækur sé það mögulegt en algengt var að yfir 100% verðmunur sé á nýjum og notuðum bókum. Sem dæmi má taka verðmun á bókinni Almenn Jarðfræði en 112% munur er á nýrri og notaðri slíkri bók í Pennanum Eymundsson. Verðmunurinn var enn meiri á sömu bók í A4 eða 144%. Í Heimkaup má nefna að 166% verðmunur var á Stærðfræði 3000 en ný bók kostaði 5.290 kr. en notuð 1.990 kr.
 
Innkaupsverð á notuðum bókum ekki lengur aðgengileg almenningi
Skiptibókamarkaðir reiða sig á að almenningur komi með bækur sem eru ekki lengur í notkun og fái borgað fyrir þær. Skiptibókamarkaðirnir sjá síðan um að selja þær aftur til neytenda þannig að allir aðilar fá eitthvað fyrir sinn snúð. Misjafnt er þó hversu mikið skiptibókamarkaðirnir borga fyrir notaðar bækur og hversu mikið þeir selja bækurnar síðan á. Hingað til hafa þeir sem hafa haft í hyggju að selja notuðu bækurnar sínar geta séð hvað skiptibókamarkaðarnir borga fyrir bækurnar, annaðhvort á vefsíðum verslananna eða á listum í verslununum. Þessar upplýsingar eru ekki lengur aðgengilegar almenningi, hvorki á vefsíðum verslananna né í verslununum sjálfum. Þetta gerir að verkum að erfiðara er fyrir almenning að gera samanburð á innkaupsverði skiptibókamarkaðanna sem dregur úr eðlilegri samkeppni og minnkar gagnsæi á markaði. Verðlagseftirlitið getur því ekki
birt innkaupsverð á notuðum námsbókum eða fundið út mun á innkaupsverði og útsöluverði og skoða álagningu verslananna eins og hefur verið gert undanfarin ár.
 
Verð var kannað í eftirtöldum verslunum: A4, Pennanum-Eymundsson og Heimkaup.is. Rétt er að taka fram að ástand notaðra bóka getur verið mjög misjafnt. Hér er aðeins um beinan verðsamanburð að ræða, en ekki er lagt mat á gæði, úrval eða þjónustu söluaðila. Einnig má taka fram að verð breytist mjög ört á þessum tíma í verslunum landsins vegna tíðra verðbreytinga og ýmiskonar tilboða.
 
Óheimilt er að vitna í könnunina í auglýsingum eða við sölu nema með heimild

 

 

Til baka

 
Tilkynningar til félagsmanna

Engar tilkynningar
Fréttir frá feykir.is

>Einar E. Gíslason, Þorgeir Jónsson í Gufunesi, Haraldur Þórarinsson á Laugalandi og Þorkell Bjarnas…

Nú hefur riðið Gjallarbrú eftirminnilegur garpur sem er Einar Eylert Gíslason á Syðra-Skörðugili, fyrrum bóndi þar og ráðunautur. Einar fæddist á Akranesi 5. apríl 1933, hann lauk búfræðiprófi á Hvanneyri 1951 og stundaði verklegt búfræðinám og vinnu á búgörðum í Danmörku og Svíþjóð árin 1951 til ?53 og lauk búfræðikandídatsprófi frá Hvanneyri 1955. Ekki verður ævi- né starfsferli Einars gerð tæmandi skil hér en á árunum 1960 til 1974 var Einar ráðsmaður á Hesti, í því fólst bústjórn og dagleg yfirstjórn þeirra viðamikilu tilrauna sem þar fóru fram í sauðfjárrækt.

>Sigrún Eva Helgadóttir og Júlíus Helgi Bjarnason.

Nú er farið að líða á sumarið og sumarfríin hægt og rólega að klárast hjá fólki. Lífið fer að komast í fastar skorður aftur eftir leikskólafrí og betri helmingurinn mættur til vinnu aftur. En það var nú nóg um að vera á meðan fríinu stóð. Það ber fyrst að nefna óteljandi sundferðir í Varmahlíð, sem er í sérstöku uppáhaldi hjá börnunum. Útilegur og sumarbústaðaferðir komu þar á eftir, margir sunnudagsbíltúrar og svo bara endalaust brall heima við.

Að sjálfsögðu var stillt upp í liðsmynd að leik loknum. MYND: ÓAB

Stærsti leikurinn í sögu fótboltans á Króknum fór fram í kvöld en þá spiluðu Stólastúlkur síðasta leik sumarsins í Inkasso-deildinni og voru enn í möguleika með að komast upp í efstu deild. Þrátt fyrir dramatískan sigur á liði ÍA komst liðið þó ekki upp í deild hinna bestu því FH vann nauman 1-0 sigur á liði Aftureldingar og tryggðu sér því annað sætið í Inkasso. Lokatölurnar á Króknum voru hins vegar 4-1 og Murielle Tiernan tryggði sér markakóngstitilinn með því að skora tvö markanna.

>Þessar kindur tengjast fréttinni ekki beint.

Garnaveiki hefur verið staðfest á bænum Brúnastöðum í Fljótum en garnaveiki hefur ekki greinst í Tröllaskagahólfi frá árinu 2008. Garnaveiki er ólæknandi smitsjúkdómur í jórturdýrum, en með bólusetningu er hægt að verja sauðfé fyrir sjúkdómnum og halda smitálagi í lágmarki. Á bæjum sem garnaveiki greinist á gilda ýmsar takmarkanir sem lúta að því að hindra smitdreifingu.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is