Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

10-11 lang dýrasta matvöruverslunin

10-11 er dýrasta verslunin samkvæmt verðkönnun á matvöru sem verðlagseftirlit ASÍ gerði 3. júní sl. Samkaup strax og Krambúðin eru næst dýrastar af þeim ellefu verslunum sem verð var kannað hjá. Super 1 skipar sér í hóp lágvöruverðsverslana með verð sem eru í mörgum tilfellum svipuð og í Bónus og Krónunni en hærri í ákveðnum tilvikum.
Í 62 tilfellum af 106 var yfir 81% munur á hæsta og lægsta verði en í 45 af 105 tilfellum var yfir 100% verðmunur. Hæsta verðið var oftast í 10-11 en það lægsta oftast í Bónus.
Iceland og Hagkaup eru dýrustu verslanirnar að minni hverfisverslunum undanskildum (10-11, Samkaup strax og Krambúðinni) en Iceland er aðeins oftar með hærri verð en Hagkaup í þessari könnun.

2 lítra kók á 649 kr.
Lítri af nýmjólk eða léttmjólk frá MS á 299 kr., French Roast kaffi frá Te og Kaffi á 1.799 kr., Lífskorn brauð frá Myllunni á 729 kr., kassi af Hrauni (200 gr.) á 599 kr., 649 kr. fyrir tveggja lítra Coca Cola og 1.299 kr. fyrir 10 stk pylsupakka frá SS eru dæmi um verð í 10-11 sem var oftast með hæstu verðin í þessari könnun.

Til samanburðar kostar líter af nýmjólk 169 kr. í Hagkaupum og Iceland þar sem hún er næst dýrust og 152 kr. í Bónus þar sem mjólkin er ódýrust. French Roast kaffið kostar 1.379 kr. í Krambúðinni þar sem það er næst dýrast og 975 kr. í Bónus þar sem það er ódýrast. Lífskorn brauð er ódýrast í Bónus á 398 kr. en næst dýrast í Samkaup strax á 549 kr.

Kassi af Hrauni er næst dýrastur í Samkaupum strax á 399 kr. en ódýrastur í Bónus á 225 kr. Þá kosta tveir lítrar af Coca cola 229 kr. í Nettó þar sem verðið er lægst, 429 kr. í Samkaupum strax sem er næst hæsta verðið en 649 kr. í 10-11 þar sem verðið er hæst. SS pylsur, 10 stk. Eru ódýrastar í Bónus 787 kr., næst dýrastar í Samkaupum-strax 989 kr. en lang dýrastar í 10-11 eða 1.299 kr.

Á mynd á heimasíðu ASÍ má sjá litla vörukörfu sem sýnir verðmun á fleiri vörum á milli verslana en vörukörfuna í heild sinni má nálgast hér.

Super 1 kemur sér fyrir í flokki lágvöruverðsverslana
Verðlagið í 10-11 er langt hæst í könnuninni eins og áður segir og munar töluverðu á þeirri verslun og Samkaup strax sem er næst hæst. Verðlagið í Samkaup strax er þó einnig gegnum gangandi mikið hærra en í meirihluta verslananna í könnuninni þrátt fyrir að vera töluvert lægra en í 10-11. Þessar þrjár búðir, 10-11, Samkaup strax og Krambúðin skera sig frá restinni af verslununum og eru almennt minni og með minna vöruúrval.

Verðlag í verslunum Iceland svipar til Krambúðarinnarog sama má segja um Hagkaup. Töluverður vegur er síðan frá verðlagi í verslunum Hagkaups og Iceland að verðlagi í hinum verslununum, Kjörbúðinni, Fjarðarkaupum, Super 1, Nettó, Krónunni og Bónus.

Bónus og Krónan eru að jafnaði nálægt hvor annarri í verðlagi og eru yfirleitt ódýrustu verslanirnar en þar á eftir koma Nettó og Super-1. Þar á eftir koma Fjarðarkaup og Kjörbúðin sem eru þá að jafnaði aðeins dýrari en ódýrustu lágvöruverðsverslanirnar en ódýrari en Hagkaup og Iceland.

Um könnunina
Í könnuninni var hilluverð á 106 vörum skráð niður en það er það verð sem neytandinn hefur upplýsingar um þegar hann ákveður hvort hann ætli að kaupa viðkomandi vöru. Ef afsláttur er tekinn fram á hillu er hann tekinn til greina.

Könnunin var framkvæmd mánudaginn 3. júní 2019 á sama tíma í öllum verslunum en þær eru: Bónus Skeifunni, Nettó Mjódd, Super 1 Hallveigarstíg, Krónunni Lindum, Hagkaup í Skeifunni, Iceland í Glæsibæ, Fjarðarkaupum, Costco og Kjörbúðinni Garði. Í könnuninni er einungis gerður samanburður á verði en ekkert mat er lagt á gæði eða þjónustu viðkomandi verslana.

Óheimilt er að vitna í könnunina í auglýsingum og við sölu nema með heimild ASÍ.

 

Til baka

 
Tilkynningar til félagsmanna

Engar tilkynningar
Fréttir frá feykir.is

>Einar E. Gíslason, Þorgeir Jónsson í Gufunesi, Haraldur Þórarinsson á Laugalandi og Þorkell Bjarnas…

Nú hefur riðið Gjallarbrú eftirminnilegur garpur sem er Einar Eylert Gíslason á Syðra-Skörðugili, fyrrum bóndi þar og ráðunautur. Einar fæddist á Akranesi 5. apríl 1933, hann lauk búfræðiprófi á Hvanneyri 1951 og stundaði verklegt búfræðinám og vinnu á búgörðum í Danmörku og Svíþjóð árin 1951 til ?53 og lauk búfræðikandídatsprófi frá Hvanneyri 1955. Ekki verður ævi- né starfsferli Einars gerð tæmandi skil hér en á árunum 1960 til 1974 var Einar ráðsmaður á Hesti, í því fólst bústjórn og dagleg yfirstjórn þeirra viðamikilu tilrauna sem þar fóru fram í sauðfjárrækt.

>Sigrún Eva Helgadóttir og Júlíus Helgi Bjarnason.

Nú er farið að líða á sumarið og sumarfríin hægt og rólega að klárast hjá fólki. Lífið fer að komast í fastar skorður aftur eftir leikskólafrí og betri helmingurinn mættur til vinnu aftur. En það var nú nóg um að vera á meðan fríinu stóð. Það ber fyrst að nefna óteljandi sundferðir í Varmahlíð, sem er í sérstöku uppáhaldi hjá börnunum. Útilegur og sumarbústaðaferðir komu þar á eftir, margir sunnudagsbíltúrar og svo bara endalaust brall heima við.

Að sjálfsögðu var stillt upp í liðsmynd að leik loknum. MYND: ÓAB

Stærsti leikurinn í sögu fótboltans á Króknum fór fram í kvöld en þá spiluðu Stólastúlkur síðasta leik sumarsins í Inkasso-deildinni og voru enn í möguleika með að komast upp í efstu deild. Þrátt fyrir dramatískan sigur á liði ÍA komst liðið þó ekki upp í deild hinna bestu því FH vann nauman 1-0 sigur á liði Aftureldingar og tryggðu sér því annað sætið í Inkasso. Lokatölurnar á Króknum voru hins vegar 4-1 og Murielle Tiernan tryggði sér markakóngstitilinn með því að skora tvö markanna.

>Þessar kindur tengjast fréttinni ekki beint.

Garnaveiki hefur verið staðfest á bænum Brúnastöðum í Fljótum en garnaveiki hefur ekki greinst í Tröllaskagahólfi frá árinu 2008. Garnaveiki er ólæknandi smitsjúkdómur í jórturdýrum, en með bólusetningu er hægt að verja sauðfé fyrir sjúkdómnum og halda smitálagi í lágmarki. Á bæjum sem garnaveiki greinist á gilda ýmsar takmarkanir sem lúta að því að hindra smitdreifingu.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is