Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

Iðandi grasrót

Föstudagspistill forseta ASÍ

Grasrót hreyfingarinnar er kraumandi pottur hugmynda og stórra verkefna um þessar mundir. Ég naut þess heiðurs að vera við setningu þings Rafiðnaðarsambands Íslands annars vegar og Samiðnar hins vegar en bæði þingin standa nú yfir. Rafiðnaðarmenn ákváðu á sínu þingi að leggja áherslu á jafnrétti kynjanna og öruggt starfsumhverfi og voru með Rakarastofuráðstefnu í gær. Það er ánægjulegt þegar félög þar sem karlar eru í miklum meirihluta taka jafnréttismál í fangið. Á þingi Samiðnar eru stóru málin líka á dagskrá en fjórða iðnbyltingin og loftslagsmálin verða rædd þar í dag og á morgun. Verkalýðshreyfingunni er ekkert óviðkomandi og sú mikla þátttaka sem er á fundum þar sem kjarasamningar iðnaðarmanna eru kynntir gefur mynd af virkri grasrót sem er full af lífi.
En við urðum óþægilega vör við það líka í vikunni að við þurfum stöðugt að verja þá stöðu sem við höfum samið um. Hóteleigandi ákvað að svipta alla umframgreiðslur til að þurfa nú örugglega ekki að greiða umsamdar launahækkanir og sýnir svo ekki verði um villst að sumir atvinnurekendur ætla að afsala sér ábyrgð á bættum kjörum starfsmanna sinna. Það er algerlega óþolandi og þessum atvinnurekendum til háborinnar skammar. Við ætlumst til þess að samtök atvinnurekenda geri sínum félagsmönnum grein fyrir því að til þess að samningar skili tilætluðum árangri verða allir að leggjast á árarnar og enginn á að vera stikkfrí eða koma sér hjá að bæta kjör starfsfólks.
Kjarasamningarnir sem iðnaðarmenn undirrituðu í síðustu viku eru nú til afgreiðslu í atkvæðagreiðslu félagsmanna. Áhugasamir um samningana geta fengið stuttu útgáfuna í nýju hlaðvarpi ASÍ í gegnum Itunes, Spotify eða Google podcast. Þar kennir líka alls konar annars góðgætis eins og viðtöl við hvunndagshetjur hreyfingarinnar og fleira og fleira. Það er ætlunin að halda áfram að kynna starf okkar, áherslur og hugmyndir á þessum vettvangi og ég hvet allt áhugafólk um verkalýðs- og kjaramál að gerast áskrifendur að Hlaðvarpi ASÍ á fyrrnefndum veitum.
Njótið vorsins og helgarinnar,
Drífa
 

Til baka

 
Tilkynningar til félagsmanna

Engar tilkynningar
Fréttir frá feykir.is

>Einar E. Gíslason, Þorgeir Jónsson í Gufunesi, Haraldur Þórarinsson á Laugalandi og Þorkell Bjarnas…

Nú hefur riðið Gjallarbrú eftirminnilegur garpur sem er Einar Eylert Gíslason á Syðra-Skörðugili, fyrrum bóndi þar og ráðunautur. Einar fæddist á Akranesi 5. apríl 1933, hann lauk búfræðiprófi á Hvanneyri 1951 og stundaði verklegt búfræðinám og vinnu á búgörðum í Danmörku og Svíþjóð árin 1951 til ?53 og lauk búfræðikandídatsprófi frá Hvanneyri 1955. Ekki verður ævi- né starfsferli Einars gerð tæmandi skil hér en á árunum 1960 til 1974 var Einar ráðsmaður á Hesti, í því fólst bústjórn og dagleg yfirstjórn þeirra viðamikilu tilrauna sem þar fóru fram í sauðfjárrækt.

>Sigrún Eva Helgadóttir og Júlíus Helgi Bjarnason.

Nú er farið að líða á sumarið og sumarfríin hægt og rólega að klárast hjá fólki. Lífið fer að komast í fastar skorður aftur eftir leikskólafrí og betri helmingurinn mættur til vinnu aftur. En það var nú nóg um að vera á meðan fríinu stóð. Það ber fyrst að nefna óteljandi sundferðir í Varmahlíð, sem er í sérstöku uppáhaldi hjá börnunum. Útilegur og sumarbústaðaferðir komu þar á eftir, margir sunnudagsbíltúrar og svo bara endalaust brall heima við.

Að sjálfsögðu var stillt upp í liðsmynd að leik loknum. MYND: ÓAB

Stærsti leikurinn í sögu fótboltans á Króknum fór fram í kvöld en þá spiluðu Stólastúlkur síðasta leik sumarsins í Inkasso-deildinni og voru enn í möguleika með að komast upp í efstu deild. Þrátt fyrir dramatískan sigur á liði ÍA komst liðið þó ekki upp í deild hinna bestu því FH vann nauman 1-0 sigur á liði Aftureldingar og tryggðu sér því annað sætið í Inkasso. Lokatölurnar á Króknum voru hins vegar 4-1 og Murielle Tiernan tryggði sér markakóngstitilinn með því að skora tvö markanna.

>Þessar kindur tengjast fréttinni ekki beint.

Garnaveiki hefur verið staðfest á bænum Brúnastöðum í Fljótum en garnaveiki hefur ekki greinst í Tröllaskagahólfi frá árinu 2008. Garnaveiki er ólæknandi smitsjúkdómur í jórturdýrum, en með bólusetningu er hægt að verja sauðfé fyrir sjúkdómnum og halda smitálagi í lágmarki. Á bæjum sem garnaveiki greinist á gilda ýmsar takmarkanir sem lúta að því að hindra smitdreifingu.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is