Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

Sameiginleg baráttumál með öldruðum og öryrkjum

Föstudagspistill Drífu Snædal, forseta ASÍ

Vikan sem nú er að líða hefur einkennst af umræðum um húsnæðismál enda styttist í að samráðsnefnd skili niðurstöðum. Húsnæðismál eru eitt stærsta kjaramálið og til mikils að vinna að ná að snúa þeirri þróun við að markaðurinn hafi það í hendi sér hversu mikið er byggt, fyrir hverja og hver kostnaðurinn af húsnæði sé. Nú nýtum við vonandi tækifærið til að laga það sem betur má fara í almenna íbúðakerfinu. Lækkum byggingar- og vaxtakostnað og fjölgum góðum íbúðum á sæmilegu verði til að styðja við félagslegar lausnir. Þetta er eitt stærsta mannréttindamálið á Íslandi í dag. Það er löngu kominn tími til að húsnæðismarkaðurinn hirði ekki allar launahækkanir sem samið er um.

Á miðstjórnarfundi ASÍ á miðvikudaginn var töluvert rætt um stöðu eldri borgara, bæði félagslega og fjárhagslega. Í vikunni hef ég átt tvo fundi með fulltrúm samtaka þeirra. Þó margir hafi það sem betur fer ágætt á ævikvöldinu eru stórir hópar sem eru svo sannanlega ekki ofaldir á lífeyrinum sínum. Sérstaklega eru eldri borgarar á leigumarkaði í slæmri fjárhagsstöðu og allar lausnir í húsnæðismálum því mikið hagsmunamál fyrir þennan hóp. Til viðbótar má bæta við að besta kjarabótin fyrir láglaunafólk, aldraðra og öryrkja er breyting í átt að sanngjarnara skattkerfi þar sem því er markvisst beitt til að jafna kjörin. Heildarsamtök vinnandi fólks, aldraðra og öryrkja eiga þar ríka sameiginlega hagsmuni.

Að lokum get ég ekki látið hjá líða að minnast á frumvarp að lögum sem taka við af kjararáði en samkvæmt því er gert ráð fyrir því að ráðherra fái heimild til að hækka laun kjörinna fulltrúa strax í júlí á þessu ári, umfram þær hækkanir sem kjörnir fulltrúar hafa nú þegar fengið. Framúrkeyrsla kjararáðs umfram kjarasamninga frá 2015 hefur nú þegar kostað skattgreiðendur 1,3 milljarð króna. Mér dettur í hug ýmislegt sem hægt væri að gera fyrir þá peninga, til dæmis að hækka húsaleigubætur.

Samningaviðræður eru í fullum gangi og er fundað víða um borgina enda ótrúlegur fjöldi fólks sem kemur á einn eða annan hátt að samningsgerðinni. Næstu dagar og vikur munu ráða úrslitum um hvort og hvenær samningar nást. Allt hefur áhrif á þessum tímapunkti bæði til hins betra og til hins verra. Hvorki leiðaraskrif þar sem fulltrúum verkalýðshreyfingarinnar er líkt við Trump né hótanir um að selja banka í ríkiseigu verða til þess að leysa kjaradeiluna, svo það sé sagt.

Góða helgi,
Drífa

Til baka

 
Tilkynningar til félagsmanna

Engar tilkynningar
Fréttir frá feykir.is

> Sandra Sano Erlingsdóttir og Mamady Sano. Mynd af Facebooksíðu Dans Afríka Iceland.

Eins og undanfarin ár stendur Tónadans fyrir Barnamenningardögum í Skagafirði og verður margt á dagskránni hjá þeim. Meðal annars koma hingað danskennarar frá Dans Afrika Iceland dagana 26. og 27. apríl og halda námskeið í afrískum dönsum í sal FNV. Frítt er á námskeiðin svo það er um að gera að fjölmenna.

160 manns tóku þátt í mótinu. Myndir: Hermann Hermannsson.

Ferðafélag Fljóta stóð að vanda fyrir árlegu skíðagöngumóti í Fljótum á föstudaginn langa. Þar sem snjóa hafði tekið upp í rásmarkinu var tekin ákvörðun um að færa markið upp á Holtsdal og voru keppendur fluttir þangað í rútu ef þeir óskuðu þess en aðrir hituðu upp fyrir keppnina og gengu þangað, um eins kílómeters vegalengd.

Frá skemmtun í Félagsheimilinu á Hvammstanga. Mynd: hunathing.is.

Á morgun, sumardaginn fyrsta, er boðað til hátíðahalda á Hvammstanga svo sem venjan er á þessum degi. Hefjast þau með skrúðgöngu sem leggur af stað frá Félagsheimilinu á Hvammstanga kl. 14:00 með viðkomu við sjúkrahúsið en að henni lokinni hefst hefðbundin dagskrá í Félagsheimilinu. Þar mun Vetur konungur afhenda Sumardísinni völdin og þá hefur sumarið innreið sína inn í hjörtun með söng og gleði. Að því loknu verða spilaðar nokkrar umferðir í bingó í boði fyrirtækja í Húnaþingi vestra.

>Hjálmar í Hólkoti á 100 afmælisdegi sínum. Mynd: PF.

Í dag fagnar Hjálmar Sigmarsson, fv. bóndi í Hólkoti í Unadal aldarafmæli sínu en hann fæddist þennan dag árið 1919. Hjálmar dvelst nú á hjúkrunardeild HSN á Sauðarkróki við ágæta heilsu.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is