Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

Um lífeyri og samtryggingu

Umræða um lífeyrissjóðina og þeirra hlutverk er af hinu góða. Hún verður vonandi til að styrkja félagslegt hlutverk þeirra, auka aðhald, stuðla að endurbótum og tryggja að við eflum samtryggingarkerfin okkar og drögum úr misrétti.

Áður en lengra er haldið er rétt að taka fram að lífeyrissjóðskerfið er langt í frá gallalaust. Nýfrjálshyggjan náði inn í kerfið, eins og önnur samfélagleg kerfi í alltof ríkum mæli, eins og vel er þekkt. En, og hér er stóra en-ið. Lífeyrissjóðirnir hafa marga mikilvæga kosti sem nauðsynlegt er að halda til haga. Þar ber helst að nefna að lífeyrissjóðakerfið byggir á hugmyndarfræði sem hefur veitt okkur mesta velsæld síðustu öldina, nefnilega samtryggingunni. Fólk greiðir í hlutfalli við tekjur inn í kerfið og nýtur eftirlauna og afkomutryggingar til æviloka ef það missir starfsorkuna. Sú trygging er óháð kyni, aldri, áhættu í starfi eða öðru sem hefur áhrif á heilsufar og lífslíkur.

Skatta- og velferðarkerfið okkar byggist á samtryggingu og sú hugmyndafræði er hornsteinn verkalýðsbaráttunnar; að við erum sterkari saman og nýtum sameiginlega sjóði til hjálpar eftir þörfum. Það var mikil forsjálni að leggja grunn að lífeyriskerfinu á sínum tíma, vitandi að það tæki áratugi að þroskast og fara að nýtast sem skyldi. Í raun má segja að fyrsta kynslóðin sem nýtur þess að hafa greitt taktfast alla starfsævina inn í kerfið sé að komast á eftirlaunaaldur um þessar mundir og uppskera eftir því. Sparnaður landsmanna liggur í þessu kerfi. Við söfnum í sjóð sem er ávaxtaður til að tryggja afkomu okkar á efri árum. Þetta er algert grundvallaratriði nú þegar aldurssamsetning þjóðarinnar breytist hratt og sífellt færri eru á vinnumarkaði fyrir hvern einstakling á lífeyrisaldri.

Þótt gallar séu á lífeyrissjóðskerfinu þá er ekki þar með sagt að það sé rétt að varpa því fyrir róða í einni svipan og hverfa frá hugsjóninni um samtryggingu og sjóðasöfnun. Við eigum hins vegar að sammælast um nauðsynlegar betrumbætur á því.

Í of ríkum mæli er talað um lífeyrissjóðina eins og hverjar aðrar fjármálastofnanir. Það er rangt. Samið er um lífeyrisréttindi í kjarasamningum og það eru samningar á milli launafólks og atvinnurekenda sem svo ráða uppbyggingu sjóðanna. Sérstaða lífeyrissjóða á líka að endurspeglast í launastefnu þeirra. Fjármálaeftirlitið gerir sig til dæmis ítrekað sekt um að líta á lífeyrissjóðina sem hvern annan banka án þess að virða hið félagslega hlutverk og uppbyggingu þeirra.

Það er bráðnauðsynlegt hverfa frá miklum skerðingum frá almannatryggingum vegna útgreiðslu úr lífeyrissjóðum. Fólk verður að hafa viðunandi afkomu og hag af því að safna í sjóðina, annars er kerfið tilgangslaust. Lífeyrissjóðirnir eiga einnig að vera fremstir í flokki gagnsærra, samfélagslegra meðvitaðra fjárfestinga til að ávaxta pund sjóðsfélaga. Ég vil til dæmis að sjóðirnir komi miklu sterkar inn í fjármögnun á góðu húsnæði á eðlilegum kjörum og verði því hluti af lausn þeirra vandamála sem launafólk stendur frammi fyrir hverju sinni. Sjóðunum á að beita til að efla hag okkar í gegnum fjárfestingar en án þess að lykilhlutverk þeirra glatist, að standa undir framfærslu okkar á efri árum.

Góða helgi,
Drífa Snædal, forseti ASÍ

 

Til baka

 
Tilkynningar til félagsmanna

Engar tilkynningar
Fréttir frá feykir.is

>Einar E. Gíslason, Þorgeir Jónsson í Gufunesi, Haraldur Þórarinsson á Laugalandi og Þorkell Bjarnas…

Nú hefur riðið Gjallarbrú eftirminnilegur garpur sem er Einar Eylert Gíslason á Syðra-Skörðugili, fyrrum bóndi þar og ráðunautur. Einar fæddist á Akranesi 5. apríl 1933, hann lauk búfræðiprófi á Hvanneyri 1951 og stundaði verklegt búfræðinám og vinnu á búgörðum í Danmörku og Svíþjóð árin 1951 til ?53 og lauk búfræðikandídatsprófi frá Hvanneyri 1955. Ekki verður ævi- né starfsferli Einars gerð tæmandi skil hér en á árunum 1960 til 1974 var Einar ráðsmaður á Hesti, í því fólst bústjórn og dagleg yfirstjórn þeirra viðamikilu tilrauna sem þar fóru fram í sauðfjárrækt.

>Sigrún Eva Helgadóttir og Júlíus Helgi Bjarnason.

Nú er farið að líða á sumarið og sumarfríin hægt og rólega að klárast hjá fólki. Lífið fer að komast í fastar skorður aftur eftir leikskólafrí og betri helmingurinn mættur til vinnu aftur. En það var nú nóg um að vera á meðan fríinu stóð. Það ber fyrst að nefna óteljandi sundferðir í Varmahlíð, sem er í sérstöku uppáhaldi hjá börnunum. Útilegur og sumarbústaðaferðir komu þar á eftir, margir sunnudagsbíltúrar og svo bara endalaust brall heima við.

Að sjálfsögðu var stillt upp í liðsmynd að leik loknum. MYND: ÓAB

Stærsti leikurinn í sögu fótboltans á Króknum fór fram í kvöld en þá spiluðu Stólastúlkur síðasta leik sumarsins í Inkasso-deildinni og voru enn í möguleika með að komast upp í efstu deild. Þrátt fyrir dramatískan sigur á liði ÍA komst liðið þó ekki upp í deild hinna bestu því FH vann nauman 1-0 sigur á liði Aftureldingar og tryggðu sér því annað sætið í Inkasso. Lokatölurnar á Króknum voru hins vegar 4-1 og Murielle Tiernan tryggði sér markakóngstitilinn með því að skora tvö markanna.

>Þessar kindur tengjast fréttinni ekki beint.

Garnaveiki hefur verið staðfest á bænum Brúnastöðum í Fljótum en garnaveiki hefur ekki greinst í Tröllaskagahólfi frá árinu 2008. Garnaveiki er ólæknandi smitsjúkdómur í jórturdýrum, en með bólusetningu er hægt að verja sauðfé fyrir sjúkdómnum og halda smitálagi í lágmarki. Á bæjum sem garnaveiki greinist á gilda ýmsar takmarkanir sem lúta að því að hindra smitdreifingu.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is