Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga

 

 

 

 

vertu á verði hnappur

 

Virk_logo_f.jpg

 

asi-ung.jpg

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

Allt að 117% verðmunur á umfelgun

Allt að 117% eða 8.050 kr. munur var á umfelgun fyrir bíla með dekkjastærðina 265/60R18 (stórir jeppar með 18‘‘ dekk) í verðkönnun á umfelgun sem Verðlagseftirlit ASÍ framkvæmdi þann 10. apríl síðastliðinn.

Könnunin var framkvæmd á 30 hjólbarðaverkstæðum víðsvegar um landið og var Bifreiðaverkstæðið Stormur á Patreksfirði oftast með lægsta verðið eða í 9 tilvikum af 10 en Klettur var oftast með það hæsta eða í 5 tilvikum af 10. Fyrirtækin Sólning, Dekkjahöllin, Gúmmívinnustofan, Toyota Selfossi, Hjólbarðaverkstæði Magnúsar- Selfossi og Höldur á Akureyri neituðu öll að upplýsa fulltrúa Verðlagseftirlitsins um verð á þeirri þjónustu sem þeir selja neytendum.

Mestur verðmunur á umfelgun á stærri bílum
Í könnuninni var verð skoðað á skiptingu á dekkjum, umfelgun og jafnvægisstillingu á ákveðnum dekkjastærðum fyrir nokkrar tegundir bíla. Mestur verðmunur var á bílunum með stærstu dekkin en verðmunurinn fór minnkandi eftir því sem dekkin urðu minni. Þannig var 117% munur á umfelgun á stórum jeppum með 18‘‘ stálfelgur, lægsta verðið hjá Nicolai bílaverkstæði, 6.900 kr. en það hæsta hjá Kletti, 14.950 krónur. Verðmunurinn er minni, 82% eða 5.096 kr. á umfelgun fyrir jepplinga með 16‘‘ dekk, lægsta verðið mátti finna hjá Stormi á Patreksfirði, 6.200 kr. en það hæsta á Hjólbarðaverkstæði Ísafjarðar, 11.296 kr. Verðmunurinn er síðan kominn í 51%-54% fyrir minni bíla. 

Costco býður einnig upp á hjólbarðaþjónustu og var þar af leiðandi með í könnunni en þar sem að þeirra verð á umfelgun fæst einungis með því að kaupa dekk er það ekki að fullu sambærilegt verði fyrir umfelgun hjá öðrum fyrirtækjum. Verð fyrir umfelgun hjá Costco er 4.400 fyrir allar stærðir af dekkjum að því gefnu að þú kaupir að lágmarki 2 dekk.

Nánari niðurstöður má finna hér í töflu.

 

Margir neita þátttöku
Enn og aftur vekur það athygli í könnun sem þessari hversu margir þjónustuaðilar vilja ekki að verð þeirra séu birt. Það er réttur neytenda að fá upplýsingar um verð á þjónustu og vöru og grundvöllur heilbrigðrar samkeppni á markaði. Sjö fyrirtæki neituðu þátttöku að þessu sinni en það eru Sólning, Dekkjahöllin, Gúmmívinnustofan, Toyota Selfossi, Hjólbarðaverkstæði Magnúsar- Selfossi og Höldur á Akureyri. Þetta er miður enda er tilgangurinn með verðkönnunum eins og þessari að safna saman upplýsingum um verð og gera þær aðgengilegar almenningi.

Verðlagseftirlitið vill taka fram að fulltrúum þess var vel tekið hjá flestum þjónustuaðilum.

Um verðkönnun:
Kannað var verð á þjónustu við dekkjaskiptingu, umfelgun og jafnvægisstillingu á álfelgum og stálfelgum af stærðum 14“,15“, 16“ og 18´´ á 30 hjólbarðaverkstæðum í Reykjavík, Kópavogi, Hafnarfirði, Reykjanesbæ, Selfossi, Ísafirði, Patreksfirði, Akureyri og Borgarnesi. Verðin í könnuninni eru án afsláttar en verkstæðin bjóða upp á margskonar afsætti t.d. fyrir félagsmenn FÍB, eldri borgara og staðgreiðsluafslátt, viðskiptavinir eru því hvattir til að spyrja um afslátt.

Hér er aðeins um beinan verðsamanburð á þjónustu að ræða en ekki var lagt mat á gæði eða þjónustu söluaðila.

Óheimilt er að vitna í könnunina í auglýsingum og við sölu nema með heimild ASÍ.

 

Til baka

 
Tilkynningar til félagsmanna

Engar tilkynningar
Fréttir frá feykir.is

>

Áætlað er að vígja nýju lyftuna á skíðasvæði Tindastóls á morgun, laugardaginn 23. mars kl. 11:30, en skíðasvæðið verður opið frá kl. 10-16. Nú geisar óveður á Norðurlandi en samkvæmt spá Veðurstofunnar dregur úr vindi og úrkomu í kvöld og nótt og kólnar. Sunnan 5-10 á morgun, stöku él og hiti rétt yfir frostmarki.

Reiknað er með að lægðin valdi norðan- og norðaustan stormi eða roki og blindhríð fyrir norðan og au…

Veður fer nú versnandi víða um landið og eru gular og appesínugular viðvaranir í gildi fyrir stóran hluta landsins í dag og fram á nótt. Veðrinu veldur kröpp og óvenjudjúp lægð sem er á ferðinni suður og austur af landinu. Reiknað er með að hún valdi norðan- og norðaustan stormi eða roki og blindhríð fyrir norðan og austan og líklega einhverjum samgöngutruflunum, að því er segir á vef Veðurstofunnar.

>Klara Helgadóttir formaður UMSS 
með viðurkenninguna góðu, Fyrirmyndarhérað ÍSÍ. Mynd: UMSS.

Á 99. ársþingi UMSS sem haldið var í Húsi frítímans síðastliðinn þriðjudag, 19. mars, veitti Ingi Þór Ágústsson, úr framkvæmdastjórn ÍSÍ, og Viðar Sigurjónsson, skrifstofustjóri ÍSÍ á Akureyri, Ungmennasambandi Skagafjarðar viðurkenninguna Fyrirmyndarhérað ÍSÍ, en það er annað héraðssambandið sem hlýtur þessa viðurkenningu á landinu.

Frá fundinum á Hvammstanga. Aðsendar myndir.

Rauðakrossdeildin í Húnavatnssýslu hélt tvo vel sótta fundi nú í vikunni. Var sá fyrri haldinn á Blönduósi mánudaginn 18. mars og sá síðari á Hvammstanga þriðjudaginn 19. mars. Eru fundirnir hluti af undirbúningi á móttöku nær 50 sýrlenskra flóttamanna sem áætlað er að komi til Blönduóss og Hvammstanga byrjun maí.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is