Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

 

Lítill verðmunur á Bónus og Krónunni

Mikill verðmunur var í flestum tilfellum á matvöru milli verslana í nýrri verðkönnun verðlagseftirlits ASÍ sem gerð var 28. ágúst. Oftast var yfir 40% verðmunur á hæsta og lægsta verði í könnuninni eða í 57 tilfellum af 107 en í 37 tilfellum af 107 var yfir 60% verðmunur á hæsta og lægsta verði.

Iceland var oftast með hæsta verðið eða í 76 tilfellum af 107 en Bónus oftast með það lægsta eða í 69 tilfellum af 107. Lítill munur er á verði í Krónunni og Bónus.

22 króna verðmunur á vörukörfunni í Bónus og Krónunni
Samanburður á vörukörfu sem inniheldur vörur sem voru til í öllum verslunum (nema Costco) sýnir 2.403 kr. eða 29% verðmun á milli verslana. Vörukarfan sem inniheldur vörur úr nokkrum vöruflokkum var ódýrust í Bónus, 8.210 kr. en dýrust í Iceland þar sem hún kostaði 10.612 kr. Athygli vekur að einungis 27 króna munur er á þessari vörukörfu milli Bónus og Krónunnar og ef allur vörulistinn sem tekinn var fyrir í könnuninni er skoðaður má sjá að munurinn er oftast einungis nokkrar krónur og oft bara ein króna. Krónan er því með næst ódýrustu vörukörfuna í þessu dæmi, 8.236 kr. en Hagkaup með þá næst dýrustu, 9.469 krónur.

Neytendur geta því auðveldlega sparað sér töluverðar upphæðir með því að versla þar sem vöruverð er lágt. Tekið skal fram að taflan sýnir ekki endilega þær vörur þar sem verðmunurinn var mestur. Þá voru kjúklingabringurnar hjá Iceland í dæminu hér að neðan á 50% afslætti en ef svo hefði ekki verið væri verðmunurinn enn meiri milli Iceland og annarra búða í könnuninni.


Verðmuninn á vörukörfunni má sjá í töflu á heimasíðu ASÍ.

Oft yfir 60% verðmunur
Könnunin sýnir að mjög mikill verðmunur er á flestum vörutegundum en í 20 tilfellum af 107 var verðmunurinn yfir 80% og í 37 tilvikum af 107 var hann yfir 60%.

Mestur var verðmunurinn á 200 stykkjum af kaffipokum nr. 4 eða 253% en í þessu tilfelli var tekið niður verð á ódýrustu tegundinni í hverri búð. Þá má nefna mikinn verðmun á bleyjum en mestur var verðmunurinn á Libero bleyjum nr. 2, 36 stk eða 51%. Ódýrastar voru þær í Bónus á 595 kr. en dýrastar í Iceland á 899 kr. Aðrir vöruflokkar þar sem verðmunur var mikill voru hreinlætisvörur, ávextir og grænmeti, kjöt og fiskur, sælgæti og snakk, þurrvörur, drykkjarvörur og barnavörur.

Niðurstöður könnunarinnar ASÍ á matvöruverði í heild sinni.

Um könnunina
Í könnuninni var hilluverð á 100 vörum skráð niður en það er það verð sem neytandinn hefur upplýsingar um þegar hann ákveður hvort hann ætli að kaupa viðkomandi vöru. Ef afsláttur er tekinn fram á hillu er hann tekinn til greina.

Könnunin var framkvæmd á sama tíma í öllum verslunum en þær eru: Bónus Holtagörðum, Nettó Mjódd, Krónunni Bíldshöfða, Hagkaup í Garðabæ, Iceland í Engihjalla, Fjarðarkaupum, Costco og Kjörbúðinni Neskaupstað. Í könnuninni er einungis gerður samanburður á verði en ekkert mat er lagt á gæði eða þjónustu viðkomandi verslana.

Óheimilt er að vitna í könnunina í auglýsingum og við sölu nema með heimild ASÍ.

Mjótt á munum

Af þeim 520 sem voru á kjörskrá Öldunnar greiddu einungis 58 manns atkvæði, sem gerir 11,15% kjörsókn.
:: meira

Nýr kjarasamningur samþykktur hjá öllum félögum SGS

Niðurstöður atkvæðagreiðslu um nýjan kjarasamning Starfsgreinasambands Íslands og Samtaka atvinnulífsins á hinum almenna vinnumarkaði liggja nú fyrir og var samningurinn samþykktur með yfirgnæfandi meirihluta.
:: meira

Ætlar þú ekki örugglega að kjósa?

Kosningu lýkur kl. 16 í dag !

Kosningu um kjarasamning SGS og SA lýkur kl. 16 í dag. Félagsmenn eru eindregið hvattir til að taka þátt og greiða sitt atkvæði því hvert atkvæði skiptir máli.
:: meira

69%-160% munur á hæsta og lægsta verði fyrir þjónustu við dekkjaskipti

Verðkönnun á þjónustu við dekkjaskipti sem gerð var 9. apríl 2019 sýnir mikinn verðmun á milli þjónustu aðila eða frá 69%-160% og nemur minnsti verðmunurinn 4.300 kr. en sá mesti 12.785 kr. Það borgar sig því að gera verðsamanburð áður en haldið er af stað með bílinn í dekkjaskipti.
:: meira
 
Tilkynningar til félagsmanna

Engar tilkynningar
Fréttir frá feykir.is

> Sandra Sano Erlingsdóttir og Mamady Sano. Mynd af Facebooksíðu Dans Afríka Iceland.

Eins og undanfarin ár stendur Tónadans fyrir Barnamenningardögum í Skagafirði og verður margt á dagskránni hjá þeim. Meðal annars koma hingað danskennarar frá Dans Afrika Iceland dagana 26. og 27. apríl og halda námskeið í afrískum dönsum í sal FNV. Frítt er á námskeiðin svo það er um að gera að fjölmenna.

160 manns tóku þátt í mótinu. Myndir: Hermann Hermannsson.

Ferðafélag Fljóta stóð að vanda fyrir árlegu skíðagöngumóti í Fljótum á föstudaginn langa. Þar sem snjóa hafði tekið upp í rásmarkinu var tekin ákvörðun um að færa markið upp á Holtsdal og voru keppendur fluttir þangað í rútu ef þeir óskuðu þess en aðrir hituðu upp fyrir keppnina og gengu þangað, um eins kílómeters vegalengd.

Frá skemmtun í Félagsheimilinu á Hvammstanga. Mynd: hunathing.is.

Á morgun, sumardaginn fyrsta, er boðað til hátíðahalda á Hvammstanga svo sem venjan er á þessum degi. Hefjast þau með skrúðgöngu sem leggur af stað frá Félagsheimilinu á Hvammstanga kl. 14:00 með viðkomu við sjúkrahúsið en að henni lokinni hefst hefðbundin dagskrá í Félagsheimilinu. Þar mun Vetur konungur afhenda Sumardísinni völdin og þá hefur sumarið innreið sína inn í hjörtun með söng og gleði. Að því loknu verða spilaðar nokkrar umferðir í bingó í boði fyrirtækja í Húnaþingi vestra.

>Hjálmar í Hólkoti á 100 afmælisdegi sínum. Mynd: PF.

Í dag fagnar Hjálmar Sigmarsson, fv. bóndi í Hólkoti í Unadal aldarafmæli sínu en hann fæddist þennan dag árið 1919. Hjálmar dvelst nú á hjúkrunardeild HSN á Sauðarkróki við ágæta heilsu.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is