Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

 

Heimkaup oftast með lægsta verðið á nýjum og notuðum skólabókum

Töluverður verðmunur er á skólabókum fyrir framhaldsskólanema á milli verslana og gætu nemendur sparað sér töluverðar fjárhæðir með því að kaupa bækurnar þar sem þær eru ódýrastar. Allt að 5.349 kr. verðmunur var á einstakri bók í verðkönnun ASÍ sem var framkvæmd þann 15. ágúst síðastliðinn. Heimkaup var oftast með lægstu verðin í könnuninni, bæði á notuðum og nýjum skólabókum. Forlagið var oftast með hæstu verðin á nýjum bókum en A4 á notuðum bókum.

Oftast 1.000 - 1.500 króna verðmunur á nýjum skólabókum
Töluverður verðmunur var á nýjum bókum í verðkönnuninni en í 17 tilfellum af 34 var yfir 1.000 kr. munur á hæsta og lægsta verði og í 11 tilfellum var yfir 1.300 kr. munur á hæsta og lægsta verði. Heimkaup var oftast með lægsta verðið á nýjum bókum eða í 44% tilfella (15/34) en A4 var næstoftast með ódýrustu bækurnar eða í 26% tilfella (9/34).
Forlagið var oftast með hæsta verðið á nýjum bókum eða í 13 tilfellum af 34 en Bókabúð Iðnú í Brautarholti næst oftast eða í 10 tilfellum af 34. Mestur var verðmunurinn á bókinni Hársnyrting – Undirstöðuatriði en lægsta verðið var hjá Heimkaup, 16.641 kr. en það hæsta í Forlaginu, 21.990 kr. og er verðmunurinn því 5.349 kr. eða 32%.

Í meðfylgjandi töflu á heimasíðu ASÍ má sjá dæmi um verðmun á nýjum námsbókum milli verslana.

 

Dæmi um helmingsverðmun á sömu bókinni ef hún er keypt notuð
Mikill verðmunur var á nýjum og notuðum bókum í könnuninni en mesti munurinn var á bókinni Saga listarinnar sem kostaði 6.201 kr. ný hjá Heimkaupum en 2.691 kr. notuð sem gerir 3.510 kr. verðmun. Í A4 var munurinn mestur á bókinni Íslenska eitt sem var notuð á 3.399 kr. en 6.000 kr. ný. Notaðar bækur voru í öllum tilfellum nema einu dýrari í A4 en hjá Heimkaup eða í 12 af 13 tilfellum og í öllum tilfellum var álagningin meiri hjá A4 en hjá Heimkaupum. Þannig var álagningin hjá Heimkaupum mest 50% en sú álagning var í 11 tilvikum af 13 og minnst 29% eða í 2 tilvikum. Í A4 var hún töluvert hærri eða minnst 57% og mest 156% en oftast var hún yfir 70%. Tekið skal fram að A4 og Heimkaup voru einu búðirnar sem tóku þátt í könnuninni sem buðu upp á notaðar bækur.

Sjá nánari niðurstöður í meðfylgjandi töflum:

Nýjar skólabækur

Notaðar skólabækur

Verð á nýjum bókum var kannað í eftirtöldum verslunum: A4, Skeifunni, Heimkaup.is, Bókabúðinni Iðnú Brautarholti, Pennanum Eymundsson Austurstræti og Forlaginu Fiskislóð. Verð á notuðum bókum var kannað í A4 og Heimkaup.is. Penninn- Eymundsson afþakkaði þátttöku í könnuninni.
Rétt er að taka fram að ástand notaðra bóka getur verið mjög misjafnt. Þá er úrval notaðra bóka á skiptibókamörkuðum mjög misjafnt eftir verslunum þegar könnunin var gerð en getur breyst með skömmum fyrirvara.

Hér er aðeins um beinan verðsamanburð að ræða, en ekki er lagt mat á gæði, úrval eða þjónustu söluaðila. Einnig má taka fram að verð breytist mjög ört á þessum tíma í verslunum landsins vegna ýmiskonar tilboða en Mál og menning var til að mynda með 20% afslátt á öllum sínum bókum þegar könnunin var framkvæmd en verðin í könnuninni eru með afslætti. Óheimilt er að vitna í könnunina í auglýsingum eða við sölu nema með heimild ASÍ.

 

Mjótt á munum

Af þeim 520 sem voru á kjörskrá Öldunnar greiddu einungis 58 manns atkvæði, sem gerir 11,15% kjörsókn.
:: meira

Nýr kjarasamningur samþykktur hjá öllum félögum SGS

Niðurstöður atkvæðagreiðslu um nýjan kjarasamning Starfsgreinasambands Íslands og Samtaka atvinnulífsins á hinum almenna vinnumarkaði liggja nú fyrir og var samningurinn samþykktur með yfirgnæfandi meirihluta.
:: meira

Ætlar þú ekki örugglega að kjósa?

Kosningu lýkur kl. 16 í dag !

Kosningu um kjarasamning SGS og SA lýkur kl. 16 í dag. Félagsmenn eru eindregið hvattir til að taka þátt og greiða sitt atkvæði því hvert atkvæði skiptir máli.
:: meira

69%-160% munur á hæsta og lægsta verði fyrir þjónustu við dekkjaskipti

Verðkönnun á þjónustu við dekkjaskipti sem gerð var 9. apríl 2019 sýnir mikinn verðmun á milli þjónustu aðila eða frá 69%-160% og nemur minnsti verðmunurinn 4.300 kr. en sá mesti 12.785 kr. Það borgar sig því að gera verðsamanburð áður en haldið er af stað með bílinn í dekkjaskipti.
:: meira
 
Tilkynningar til félagsmanna

Engar tilkynningar
Fréttir frá feykir.is

> Sandra Sano Erlingsdóttir og Mamady Sano. Mynd af Facebooksíðu Dans Afríka Iceland.

Eins og undanfarin ár stendur Tónadans fyrir Barnamenningardögum í Skagafirði og verður margt á dagskránni hjá þeim. Meðal annars koma hingað danskennarar frá Dans Afrika Iceland dagana 26. og 27. apríl og halda námskeið í afrískum dönsum í sal FNV. Frítt er á námskeiðin svo það er um að gera að fjölmenna.

160 manns tóku þátt í mótinu. Myndir: Hermann Hermannsson.

Ferðafélag Fljóta stóð að vanda fyrir árlegu skíðagöngumóti í Fljótum á föstudaginn langa. Þar sem snjóa hafði tekið upp í rásmarkinu var tekin ákvörðun um að færa markið upp á Holtsdal og voru keppendur fluttir þangað í rútu ef þeir óskuðu þess en aðrir hituðu upp fyrir keppnina og gengu þangað, um eins kílómeters vegalengd.

Frá skemmtun í Félagsheimilinu á Hvammstanga. Mynd: hunathing.is.

Á morgun, sumardaginn fyrsta, er boðað til hátíðahalda á Hvammstanga svo sem venjan er á þessum degi. Hefjast þau með skrúðgöngu sem leggur af stað frá Félagsheimilinu á Hvammstanga kl. 14:00 með viðkomu við sjúkrahúsið en að henni lokinni hefst hefðbundin dagskrá í Félagsheimilinu. Þar mun Vetur konungur afhenda Sumardísinni völdin og þá hefur sumarið innreið sína inn í hjörtun með söng og gleði. Að því loknu verða spilaðar nokkrar umferðir í bingó í boði fyrirtækja í Húnaþingi vestra.

>Hjálmar í Hólkoti á 100 afmælisdegi sínum. Mynd: PF.

Í dag fagnar Hjálmar Sigmarsson, fv. bóndi í Hólkoti í Unadal aldarafmæli sínu en hann fæddist þennan dag árið 1919. Hjálmar dvelst nú á hjúkrunardeild HSN á Sauðarkróki við ágæta heilsu.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is