Fyrri mynd
Nćsta mynd
 
 
Aldan stéttarfélag Verslunarmannafélag Skagfirðinga

 

 

 

 

vertu á verði hnappur

 

Virk_logo_f.jpg

 

asi-ung.jpg

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

 

Háar arðgreiðslur til hluthafa á sama tíma og iðgjöld á almenning hækka

Miklar verðhækkanir hafa orðið á bílatryggingum undanfarin ár en á tímabilinu 2014-2018 (apríl-apríl) hafa þær hækkað um 24% á meðan vísitala neysluverðs hefur hækkað um 7,38% og er þetta því um 16,5% hækkun umfram almennar verðlagshækkanir. Ýmsir ytri áhrifaþættir eru þó hagstæðir fyrir tryggingafélögin eins og miklar verðlækkanir á bílum (-13%) og varahlutum (-21%) auk þess sem umferðaslysum fer fækkandi. Þrátt fyrir þetta sjá tryggingafélögin ástæðu til að hækka verð á bílatryggingum en greiða á sama tíma út milljarða í arðgreiðslur. 

Verð á bílum og varahlutum lækkar en verð á bílatryggingum hækkar
Styrking á gengi krónunnar hefur leitt til þess að verð á bílum hefur lækkað um 13,28% og verð á varahlutum um 21,93% frá árinu 2014 en verð á bílum og varahlutum eru meðal þeirra þátta sem hafa áhrif á verð  bílatrygginga. Það vekur því athygli hversu hratt tryggingar hafa hækkað á undanförnum árum miðað við þróun þessara áhrifarþátta.

Bílslysum hefur hlutfallslega fækkað
Á síðustu árum hefur bílum í umferð fjölgað töluvert eða um 19,3% á árunum 2013-2017 og hefur umferð þar af leiðandi þyngst. Eins og má sjá á grafinu hefur slysum fjölgað lítillega síðustu ár en ef horft er lengra aftur má sjá að slys eru færri í dag en 2004-2007 og eru þau svipað mörg í dag og þau voru árið 2009. Í hlutfalli af þeim bílum sem eru á götunum eru færri slys á hvern bíl í dag en fyrir 10 árum. Með fleiri bílum á götunum hefur iðgjaldastofn tryggingafélaganna einnig stækkað sem þýðir að tekjur tryggingafélaganna af bílatryggingum eru hærri í dag en áður fyrr auk þess sem meðalakstur dregst saman og hafa iðgjöld á hvern kílómetra því hækkað.


Mikill hagnaður og háar arðgreiðslur
Hagnaður tryggingafélaganna hleypur á milljörðum á hverju ári sem og arðgreiðslur til hluthafa. Viðskiptavinir tryggingafélaganna fá ekki að njóta góðs af jákvæðri afkomu tryggingafélaganna heldur rennur jákvæð afkoma beint í vasa hluthafa á sama tíma og viðskiptavinir sjá verðin hækka ár hvert.  Hér má sjá hagnað tryggingafélaganna í milljónum króna síðustu ár:

Arðgreiðslur þriggja stærstu tryggingafélaganna, í milljónum króna, fyrir rekstrarárið 2017 má sjá nánar á heimasíðu ASÍ.

Verðlagseftirlitið hvetur neytendur til að vera vakandi yfir verðhækkunum tryggingafélaganna og leita tilboða í tryggingar sínar.

Sameiningarviðræðum slitið

Yfirlýsing frá Sjómannafélagið Eyjafjarðar og Sjómannafélaginu Jötni

Tvö félög af fimm, Sjómannafélag Eyjafjarðar og Sjómannafélagið Jötunn í Vestmannaeyjum, hafa nú dregið sig út úr sameiningarviðræðum fimm sjómannafélaga sem staðið hafa yfir undanfarnar vikur.
:: meira

Þingi Sjómannasambandsins frestað vegna óvissu

Þingi Sjómannasambands Íslands var frestað sl. föstudag um óákveðinn tíma áður en kom að afgreiðslu fjárhagsáætlunar. Það fór því ekki fram stjórnarkjör á þinginu eins og til stóð en þetta var gert vegna óvissu um framtíð sambandsins.
:: meira

Sjómannasambandið þingar

Nú stendur yfir tveggja daga þing Sjómannasambands Íslands sem haldið er í Reykjavík.
:: meira

Starfsgreinasambandið birtir kröfur sínar

Samninganefnd Starfsgreinasambands Íslands (SGS) hefur birt kröfugerð sína vegna komandi kjarasamninga. Kröfugerðirnar snúa annars vegar að stjórnvöldum og hins vegar að atvinnurekendum. Kröfurnar mótuðust á fundum í verkalýðsfélögum og á vinnustöðum um land allt og með hliðsjón af niðurstöðu viðhorfskannana. Þær urðu þannig til í víðtæku, lýðræðislegu ferli í verkalýðshreyfingunni þar sem öllum félagsmönnum gafst kostur á að koma sjónarmiðum sínum á framfæri og hafa áhrif.
:: meira
 
Tilkynningar til félagsmanna

Engar tilkynningar
Fréttir frá feykir.is

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is