Fyrri mynd
Nćsta mynd
Ok
Velkomin á heimasíđu stettarfelag.is. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
 
 
Aldan stéttarfélag Verslunarmannafélag Skagfirðinga


 


 


Virk_logo_f.jpg

 

 

asi-ung.jpg

 

 

 

 

 

 

 

 

 

 

 

STÉTTARFÉLÖGIN Í SKAGAFIRÐI
Borgarmýri 1
550 Sauðárkrókur
Sími 453 5433

Netföng
toti hjá stettarfelag.is
bjarki hjá stettarfelag.is
arna hjá stettarfelag.is
steinunn hjá stettarfelag.is


 

Opnunartími skrifstofu er alla virka daga frá kl. 8:00 -16:00
Opið í hádeginu.

 

 

Tímamót í alþjóðlegri baráttu gegn ofbeldi og áreitni

Alþjóða vinnumálastofnunin (ILO) er 100 ára í ár, stærsta og elsta alþjóðastofnunin sem staðið hefur af sér tvær heimsstyrjaldir og töluvert til viðbótar. Hún er stofnuð á grunni þríhliða samstarfs: Stéttarfélaga, stjórnvalda og atvinnurekenda og í gegnum hana hafa verið samþykktir merkustu sáttmálar heims; svo sem bann við nauðungarvinnu, réttinn til þátttöku í stéttarfélögum, réttinn til verkfalla, bann við barnavinnu, bann við mismunum og svo mætti lengi telja. Stofnunin hefur einfaldlega sett viðmið um hvað séu réttar og sanngjarnar reglur á vinnumarkaði heimsins síðustu 100 árin.

Nú stendur yfir 108. þing ILO í Genf og þess má geta að í fyrsta sinn á Ísland fulltrúa í stjórn þessarar merku stofnunar, yfirlögfræðing ASÍ, Magnús Norðdahl. Auk hans situr Drífa Snædal, forseti ASÍ fyrstu daga þingsins og Guðbjörg Kristmundsdóttir formaður Verkalýðs- og sjómannafélags Keflavíkur og nágrennis tekur þátt í Norrænum ILO skóla og situr þingið sem nemandi hans. Fulltrúar íslenskra atvinnurekenda og stjórnvalda eru einnig þátttakendur og félags- og barnamálaráðherra var viðstaddur setningu þingsins.

Vonir standa til að á þessu þingi verði fullgilt ný samþykkt sem unnið hefur verið að síðustu ár, samþykkt gegn ofbeldi og áreitni í vinnuumhverfinu. Þetta yrði fyrsti alþjóðsáttmáli sinnar tegundar og markar tímamót í alþjóðlegri baráttu gegn áreitni og ofbeldi. Hvort tekst að klára samþykktina kemur í ljós þann 21. júní en þessar tvær vikur á þinginu verða nýttar til að klára viðræður um orðalag og efni.

Ekki eru allir sammála um hvar ábyrgðin á að koma í veg fyrir ofbeldi og áreitni liggur, né hvaða hópar séu sérstaklega viðkvæmir á vinnumarkaði. Allir lýsa sig samt reiðubúna til að leggja sitt lóð á vogaskálarnar til að samþykktin verði að veruleika en svo á eftir að koma í ljós hvaða innistæða er fyrir þeim yfirlýsingum. Það eru því spennandi dagar framundan en á fyrsta nefndarfundinum vitnuðu fjöldi samtaka um ofbeldi á vinnumarkaði. Sérstaklega voru átakanlegar frásagnir kvenna sem sinna heimilisstörfum á Vesturlöndum, kvenna sem vinna við götusölu í Afríku og ruslflokkun í Suður-Ameríku. Konur sem eru á jaðrinum á vinnumarkaðnum og ofurseldar atvinnurekendum, viðskiptavinum, stjórnvöldum og í sumum tilvikum lögreglunni. Allar #metoo sögurnar sem við höfum heyrt síðustu ár bera svo vott um að ástandið er grafalvarlegt um heim allann.

Ísland hefur ekki verið neitt sérstaklega duglegt við að fullgilda sáttmála og samþykktir ILO, að undanskildum grundvallarsáttmálunum. Betur má ef duga skal. Alþýðusamband Íslands mun leggja sitt lóð á vogaskálarnar til að þessi samþykkt, ef hún verður að veruleika, verði fullgilt á Íslandi enda í samræmi við stefnu stéttarfélaganna, samtaka atvinnurekenda og stjórnvalda.

Beðið eftir skattefndum ríkisstjórnarinnar

Miðstjórn ASÍ ályktar um skatta útspil stjórnvalda í tengslum við undirritun kjarasamninga í vor
:: meira

Á íslenskum vinnumarkaði gilda íslenskir kjarasamningar!

Alþýðusamband Íslands áréttar, af gefnu tilefni, að laun samkvæmt kjarasamningum hér á landi eru lágmarkskjör á íslenskum vinnumarkaði. Það gildir einnig um útlendinga sem koma hingað til starfa og það gildir frá fyrsta starfsdegi.
:: meira

A4 oftast með lægstu verðin á skiptibókamarkaði

A4 var með lægstu verðin í 23 tilfellum af 42, Penninn Eymundsson í 12 tilvikum og Heimkaup.is í 6 tilvikum.
:: meira

ASÍ-UNG krefst úrbóta!

Ályktun stjórnar ASÍ-UNG vegna nýrrar vinnumarkaðsskýrslu.

Stjórn ASÍ-UNG skorar á atvinnurekendur og stjórnvöld að stöðva brot gegn ungu fólki á vinnumarkaði.
:: meira
 
Tilkynningar til félagsmanna

Engar tilkynningar
Fréttir frá feykir.is

Fáskrúðsfjörður er fallegur bær en þeir Fáskrúðsfirðingar spila engu að síður heimaleikina sína á Re…

Tindastólsmenn héldu austur í dag og spiluðu við sprækt lið Leiknis frá Fáskrúðsfirði í Fjarðabyggðarhöllinni. Eitthvað virðast þessar hallir koma Stólunum úr stuði því líkt og á móti Akranes-Kára á dögunum þá fengu strákarnir rassskell og gáfu andstæðingunum mörk á færibandi. Lokatölur 6-0 og ekki batnaði útlitið á botninum við það.

>Selma Barðdal Reynisdóttir, fræðslustjóri, og Inga Huld Þórðardóttir, talmeinafræðingur, með gjöfin…

Nýlega færði Bryndís Guðmundsdóttir, talmeinafræðingur, Sveitarfélaginu Skagafirði veglega gjöf til allra leikskóla í firðinum. Bryndís hefur starfað á Íslandi sem talmeinafræðingur í rúm 30 ár og hefur gefið út námsefni undir heitinu Lærum og leikum með hljóðin sem ætlað er öllum barnafjölskyldum og skólum. Efnið byggir á fagþekkingu talmeinafræðinnar, rannsóknum og reynslu Bryndísar af því að vinna með börnum, foreldrum og fagfólki skóla og hefur það hlotið ýmsar viðurkenningar.

>Grímur Hákonarson, leikstjóri Héraðsins er í aðalviðtali Feykis þessa vikuna. Hann fer yfir tilurð …

Feykir vikunnar er nýkominn úr prentvélinni og í honum er margt að skoða eins og oft áður. Í aðalviðtali er Grímur Hákonarson, leikstjóri og handritshöfundur Héraðsins, opið bréf til kaupfélagsstjóra og stjórnar KS, viðtal við stofnendur Spæjaraskólans, splunkuný saga af hinum vitgrönnu Bakkabræðrum, sem bjuggu í Fljótum forðum daga auk fastra liða eins og áskorandapenna, matarþáttar og hinum feykilega vinsæla vísnaþætti, þeim 741. í röðinni.

Gæsir. Mynd: wikipedia.org

Gæsaveiðitímabilið hófst í gær, þriðjudaginn 20. ágúst. Stendur það til 15. mars og gildir bæði um veiðar á grágæs og heiðargæs. Í hádegisfréttum RÚV í gær var rætt við Áka Ármann Jónsson , formann Skotveiðifélags Íslands, sem segir marga hafa beðið dagsins með mikilli eftirvæntingu. Áki segir að 3-4.000 skotveiðimenn stundi gæsaveiðar að jafnaði og sé grágæsaveiðin vinsælust en af henni séu veiddir 40-45.000 fuglar hvert haust. Meira þurfi að hafa fyrir heiðargæsinni sem, eins og nafnið bendir til, heldur til uppi á heiðum og sé mjög vör um sig. Veiðin þar sé 10-15.000 fuglar.

STÉTTARFÉLÖGIN Í SKAGAFIRÐI - Borgarmýri 1 - 550 Sauðárkrókur - sími 453 5433 - netfang: skrifstofa@stettarfelag.is  - www.stettarfelag.is